Y.Altynsarın olımpıadasy halyqaralyq deńgeıge kóshti

Bıyldan bastap Y.Altynsarın olımpıadasy halyqaralyq deńgeıde ótkiziletin bolady. Bul ­– Qazaq memlekettik qyzdar pedagogıkalyq ýnıversıtetiniń uıymdastyrýmen alty jyldan beri mektep túlekteri arasynda ótip júrgen pándik olımpıada. Mektep bitirýshilerge tegin bilim granttaryn utyp alýǵa múmkindik beretin baıqaý endi ózgerdi. Aldymen respýblıkalyq olımpıada oblystyq bilim Basqarmalarymen, aýdandyq bilim bólimderimen birlese otyryp, Almaty oblysy boıynsha Almaty, Taldyqorǵan, Jarkent qalalarynda, Kegen aýyldyq okrýgi, Jambyl oblysy boıynsha Taraz qalasy men Qordaı aýdanynda, Ońtústik Qazaqstan oblysynyń Shymkent, Túrkistan, Jetisaı qalalarynda, Qyzylorda oblysy boıynsha Qyzylorda qalasy men Qazaly, Jańaqorǵan, Qarmaqshy aýdandarynda, Shyǵys Qazaqstan oblysy boıynsha Semeı qalasynda, Qaraǵandy oblysy boıynsha Qaraǵandy qalasynda, Batys Qazaqstan boıynsha Atyraý, Oral qalalarynda ústimizdegi jyldyń 3 naýryzynda ótkiziledi. Al halyqaralyq deńgeıdegi Y.Altynsarın olımpıadasy 17 naýryzda 5 memlekette, ıaǵnı О́zbekstan, Qyrǵyzstan, Monǵolııa, Qytaı jáne Reseı elderinde ótedi. Qazirgi ýaqytta olımpıadaǵa qatysýǵa tilek bildirýshi oqýshylardy tirkeý jalǵasýda. Aıta keteıik, nıet bildirýshilir Qazaq Memlekettik Qyzdar pedagogıkalyq ýnıversıtetiniń resmı saıtynda bekitilgen forma boıynsha onlaın rejiminde tirkele alady jáne olımpıada týraly tolyq maǵlumat Qyzdar ýnıversıtetiniń saıtynda (www.kazmkpu.kz)   ornalasqan. Baıqaý ádettegideı segiz pán boıynsha emes, toǵyz pán boıynsha ótpek. Matematıka páni qosylǵan. Olımpıada jumysynyń eń joǵary kórsetkishi – 160 ball. Olımpıadanyń bir ereksheligi – oǵan tek qana qyz balalar qatysady. Máselen ótken jyly «Y.Altynsarın-2016» olımpıadasyna 3500-den asa mektep bitirýshi qatysyp, 24 túlek rektor grantyna ıe bolsa, 10 paıyzdyq jeńildikke 548 oqýshy ilikken edi. Aınash Esalı, «Egemen Qazaqstan».  ALMATY