Fýtboldan Qazaqstan ulttyq quramasyna bas bapker bolyp reseılik Aleksandr Borodıýk taǵaıyndaldy. Bul týraly Qazaqstan fýtbol federasııasynyń baspasóz qyzmeti habarlady.
Borodıýkpen kelisimshart úsh jylǵa jasaldy. Oǵan quramany jasartý, jergilikti oıynshylardyń talantyn ashý syndy birqatar mindetter qoıyldy.
54 jastaǵy maman sońǵy ret 2016 jyly «Qaırat» fýtbol komandasyn jattyqtyrǵan. Almatynyń komandasymen Qazaqstan Sýperkýbogyn jeńip alǵanmen, premer-lıgadaǵy sátsiz oıyndary úshin óz erkimen qyzmetinen ketken. «Qaıratqa» deıin «Torpedo» komandasyna jetekshilik etken. Sonymen qatar, Reseı jastar quramasynyń bapkeri bolǵan.
Qazaqstan ulttyq quramasynynda ol Talǵat Baısýfınovtiń ornyn almastyrdy. Aldaǵy ýaqytta eks-jattyqtyrýshy federasııanyń tehnıkalyq dırektory qyzmetin atqarady.
