XXI ǵasyrdyń sońyna deıin jer betindegi janýarlardyń jartysy joıylýy múmkin

Qazirgi janýarlardyń jartysy XXI ǵasyrdyń sońyna deıin joıylady. Mundaı boljamdy Vatıkanda ótken sırek kezdesetin janýarlardy saqtap qalý sharalaryn talqylaýǵa arnalǵan konferensııada álemdegi jetekshi bıologtar jasady. Mamandardyń deregi boıynsha qazirgi tańda bes túrli janýardyń bir túri joıylýdyń aldynda tur. Ǵalymdar eskertkendeı, osyndaı qaýip zamanaýı tehnogendi órkenıettiń saldarynan bolǵan. Ol tek jer resýrstaryn paıdalanyp, ornyna eshqandaı paıda ákelmesten ekojúıeni joıýda, dep habarlady QazAqparat. Mysal retinde olar qoryqtar ornalasqan jerlerdegi sırek metaldardy óndirýdi, marjan rıfterin joıýdy, brakonerlerdiń isin aıtyp ótti. Konferensııadaǵy basty baıandamashy retinde Stendford ýnıversıtetiniń bıology Pol Erlıh málimdeme jasady. Onyń boljamynsha, eger jaǵdaıdy baqylaýǵa almasa, ǵasyr sońynda jerdegi halyq sany 12 mıllıard adamǵa jetkende barlyq órkenıet qurdymǵa ketedi. «Vatıkan konferensııa ótkizýdi óz moınyna aldy, demek bul degenimiz – Jerdi saqtap qalý máselesinde din men ǵylym arasyndaǵy alaýyzdyq joıyldy degen sóz», – dep atap ótti is-sharanyń uıymdastyrýshysy ekonomıst Ser Part.