SpaceX ǵarysh kompanııasy Aıǵa adam ushyrý týraly josparlarymen bólisti, dep jazady VVS. Atalǵan kompanııanyń negizin qalaýshysy ári basshysy Ilon Mask ǵaryshqa kásibı astronavtar emes, qarapaıym eki adam ushatynyn aıtty. Onyń aıtýynsha, qazir ol ekeýi medısınalyq tekserýden ótýde.
Qazirgi tańda ǵarysh kemesi synaqtan ótkizilip jatyr. Ol aldymen pılotsyz ushyrylady. Sodan keıin eki adammen 2018 jyldyń ekinshi jartysynda Aıǵa jiberilmek. Bir aıta keterligi, ǵarysh kemesi Aıǵa qonbaıdy, tek ony aınalyp ushyp ótedi. Kompanııa basshysynyń aıtýynsha, bul jobaǵa NASA seriktestik qoldaý kórsetken. "Biz óz tarapymyzdan qaýipti meılinshe azaıtýǵa tyrysatyn bolamyz. Bul baǵdarlama adamzatqa sońǵy 45 jylda alǵash ret alys kosmosqa ushýǵa múmkindik beredi", deıdi kompanııa basshysy Ilon Mask. Esterińizge sala ketsek, Aıǵa adam sońǵy ret 1970 jyly ushqan. Odan keıin NASA "Apollon" baǵdarlamasyn baǵasy qymbat bolǵandyqtan jaýyp tastaǵan edi.
