AО́K-ni damytý sharalaryn iske asyrý úshin 2,4 trln teńge qajet

Aýyl sharýashylyǵy mınıstrligi ázirlegen 2017-2021 jyldarǵa arnalǵan AО́K memlekettik baǵdarlamasyn iske asyrýdyń sharalar jospary Memlekettik baǵdarlamanyń 8 mindeti boıynsha 134 sharadan turady. Bul týraly búgin  QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysynda aýyl sharýashylyǵy birinshi vıse-mınıstri Qaırat Aıtýǵanov málimdedi. «Aýyl sharýashylyǵyna qarjylaı qoldaý kórsetý qorymen ınvestısııalyq sýbsıdııalar esebinen alǵashqy tólemdi óteý arqyly kooperatıvterdi basym nesıelendirý, sonymen qatar QQS boıynsha shyǵyndardy óteýge kooperatıvterge sýbsıdııalar bólý qarastyrylýda. Sonymen qatar, Aýyl sharýashylyǵy, Eńbek jáne halyqty áleýmettik qorǵaý mınıstrlikteri men ákimdikter arasynda ár jylǵa óńirler turǵysynan alǵandaǵy naqty kórsetkishteri bar úshjaqty josparlarǵa qol qoıylatyn bolady. 2017 jyly áreket etýshi kooperatıvter sanyn 326-ǵa deıin jetkizý josparda bar», - dedi birinshi vıse-mınıstr. «Bıyl 21 aqpanda Jospar jobasy Respýblıkalyq bıýdjettik komıssııa otyrysynda maquldandy, sonymen qatar Prezıdent ákimshiligimen, tıisti mınıstrliktermen jáne vedomstvolarmen, oblystardyń, Astana jáne Almaty qalalarynyń ákimdikterimen bekitildi», - dedi Aıtýǵanov. Onyń aıýtynsha, sý resýrstaryn tıimdi paıdalanýmen qamtamasyz etý, sý sińirý júıeleriniń ınfraqurylymyn qalpyna keltirý, jańa sý qoımalarynyń qurylysy sekildi sharalar memleket basshysynyń  aınalymǵa 600 myńnan astam gektar jerdi júıeli túrde sýlandyrýdy engizý, olardyń aýdanyn 2021 jyly 2 mln gektarǵa deıin jetkizý týraly bergen tapsyrmasyn atqarýǵa múmkindik beredi. 2017-2021 jyldardyń sharalar josparyn iske asyrýǵa shamamen 2,4 trln teńge qajet. Onyń ishinde respýblıkalyq bıýdjet esebinen – 1,2 trln teńge, jergilikti bıýdjetten – 852 mlrd teńge, ShQU men sharýashylyq sýbektilerinen – 306 mlrd teńge.