Quralbek Ordabaev: Chempıondyqqa talas «Astana» men «Qaırattyń» arasynda ótedi

Dańqty qaqpashy, fýtbol mamany Quralbek Ordabaev aldaǵy maýsymda chempıondyq ataqty qaı komandalar sarapqa salatyny jaıly pikir bildirdi. Aıtýynsha bul joly da «Astana» men «Qaırat» arasynda ótpek. Degenmen, premer-lıga úsh aınalymnan turatyndyqtan komandalar arasyndaǵy básekelestik kúsheıip, qyzyǵýshylyq arta túsedi degen oıda, dep habarlaıdy vesti.kz. «Maýsymaralyq úzilisti qaı komandanyń qandaı oıynshyny alǵanyn bilmeımin. Biraq chempıondyq talas "Astana" men "Qaırattyń" arasynda órbıtini anyq. О́zge klýbtar qandaı fýtbolshy almasyn, bul ujymdarǵa básekelestik tanyta almaıdy», ­- dedi dańqty qaqpashy. «Altaı» komandasy premer-lıgaǵa shyqqanmen, sertıfıkatynyń durys bolmaýynan joldamadan qaǵylǵan. Onyń ornyn "Taraz" klýby basty. «Menińshe, jambyldyqtar premer-lıgaǵa qatysatyndary jaıly kesh bildi. Vaıt Talgaev úshin bul kútpegen jańalyq boǵany anyq. Endi barlyǵy onyń biligi men tájirbıesine táýeldi bolmaq. Al «Altaıǵa» keler bolsaq, BAQ betterinde jazylǵandaı, ShQO ákiminiń aıtqan sózderin basty nazarda ustasaq onda klýb basshylyǵy tolyqtaı kináli. Tıisti mindetterin durys atqarmady. Kimge sengenderin bilmeımin, alaıda birinshiliktiń reglamentin saqtaýy qajet edi. Bir sózben aıtqan klýbta óz isin durys bilmeıtin mamandar kóp», - dedi Quralbek Ordabaev. «Qaırat» komandasynyń ardageri birinshiliktegi alǵashqy eki orynnyń ıegerlerin aıtty. Al úshinshi oryn kimde bolmaq? «Qola júlde úshin úsh birdeı komanda talasqa túsedi. Alaıda naqty kimder ekenin aıtý qıyn. Chempıonat bastalyp, bes-alty týr ótken soń anyqtala bastaıdy. Ne desek te, bul joly birinshilik qyzyq bolǵaly tur. О́ıtkeni komandalar burynǵydaı eki altylyqqa bólinbeıdi. Eń qyzyǵy úshinshi aınalym bolady. Kimniń qaı orynǵa talasatynyn belgili bolǵanda qyzyǵýshylyq ta kóbeıe túsedi. Onyń ústine, eýrokýbok joldamasy úshin talas bastalady», - dedi ol.