Jýrnalıster báıgesi aıaqtaldy

Elordada qalalyq fýtbol federasııasynyń uıymdastyrýymen buqaralyq aqparat quraldary ókilderi arasyndaǵy fýtbol birinshiliginiń alǵashqy maýsymy aıaqtaldy. Jarysqa barlyǵy 11 komanda qatysty. BAQ lıganyń alǵashqy maýsymynda eshkimge ese jiber­megen «Habar» arna­synyń jigitteri 26 upaı jınap, chempıon atandy. Al sońǵy týrǵa deıin bul ataqtan úmitker bolǵan «Qazaq radıosy» 23 upaı enshilep, ekinshi orynǵa ıe bolsa, úzdik úshtikti 19 upaımen «Sportsffa.kz» komandasy túıin­dedi. «Jýrnalıster arasyndaǵy birinshilik óz máresine jetti. Bul jarys aldaǵy ýaqytta da jalǵasyn tabady. Kelesi chempıonat osy jyldyń mamyr aıyna josparlanyp otyr. Azdaǵan ózgeristerdiń bolýy múmkin», dedi Astana qalalyq fýtbol fede­rasııasynyń bas menedjeri Ǵalymjan Kenjalınov. BAQ lıganyń jabylý saltanatynda uıymdastyrýshylar úzdikterdi marapattady. Úsh aıǵa sozylǵan birinshilikte 24 gol soqqan «Sports 59» ujymynyń shabýylshysy Saparǵalı Qanat úzdik surmergen atanyp, «Al­tyn býtsa» syılyǵyn ári «Úzdik shabýylshy» nomınasııasyn jeńip aldy. Sonymen qatar, «Úzdik qaqpashy» ataǵy «Ha­bar» komandasynyń namysyn qorǵaǵan Aıbek Qabylshaǵa berilse, «Úzdik qorǵaýshy» bolyp «Sportsffa.kz» oıynshysy Araı Izbaı tanyldy. Al jýrnalıster arasynda erekshe oıynymen kózge túsken «Habar» komandasynyń kapıtany Nursultan Qurman «Úzdik oıynshy» atandy. «Týrnır kózdi ashyp-jum­ǵansha óte shyqty. Kelesi maýsym budan da qyzyqty ári tartysty ótedi dep senemin. Aldaǵy ýaqytta qazaq jýrnalıstıkasyna eńbegi sińgen tulǵalardyń esimine arnalǵan juldyzdar matchyn ótkizýdi josparlap otyrmyz», dedi BAQ lıgany uıym­das­tyrýshylardyń biri Ázız Jumádil. Bul jarysta baq synaǵan «Egemen Qazaqstan» komandasy altynshy orynǵa turaqtady. BAQ lıganyń keler maýsymynda qatysýshy komanda­lardyń da, alańǵa shyǵatyn oıyn­shylardyń da sany artýy ábden múmkin dedi jarysty uıymdastyrýshylar. Aıan ÁBDÝÁLI, «Egemen Qazaqstan»