Úsen jınaǵan eski tıyndar

Ordabasy aýdanyndaǵy «Toqsansaı» orta mek­tebiniń dırektory Úsen Altybaev bos ýaqy­tynda eski tıyndardy jınaý isimen aınalysatynyn estip, arnaıy izdep bardyq. – Men tarıh pániniń muǵa­limimin. Týyp-ósken ólkeniń tarıhyn zertteý, eski jádigerler jınaqtaý jumysyn eńbekke aralasqan alǵashqy kúnderden -aq bastaǵanmyn, – deıdi Úsekeń aǵynan jarylyp. О́zi bilim alǵan «Toqsansaı» orta mektebinde tarıh pániniń muǵalimi bolyp eńbek jolyn bastap, búginde atalmysh bilim ordasyna on eki jyldan beri basshylyq jasap kele jatqan Úsekeń jınaqtaǵan eski tıyndar birshama eken. Arnaıy jasalǵan eki albomǵa ret-retimen or­nalastyrylǵan olardyń arasynda HVII-HVIII ǵasyrdaǵy qytaı tıyndary, 1859 jáne 1870 jyldarǵy Reseı patshalyǵy tıyndary, ejelgi Saıram, Shash qalalarynan tabylǵan kúmis aqshalar, Oktıabr tóńkerisinen keıingi jáne ár jyldardaǵy Keńes ókimeti kezindegi tıyndar eriksiz qyzyǵýshylyǵyńyzdy týdyrady. – Mektebimizde ólketaný mýzeıin ashýdy qolǵa alyp jatyrmyz. Jaýgershilik zamanda ata-babalarymyz qoldanǵan naıza, sadaq ushtary, ejelgi ydys-aıaqtar, t.b. zattar jınaq­talyp qaldy. Tıyndardy da qoıamyz. Búginge deıin biraz ejel­gi tıyndardy kórshi aýyl­daǵy ólketaný mýzeıine qoıdyq, – deıdi Úsen Altybaev. Biz Úsen Altybaev myrzanyń osynaý tálimdi isterine tánti bolyp kaıttyq. Asqar OMARHANOV, jýrnalıst Ońtústik Qazaqstan oblysy, Ordabasy aýdany