Qostanaıda belgili psıhıatr dáriger adam qolynan qaza tapty

  Oblysqa belgili, joǵary sanatty psıhıatr dáriger, oblystyq psıhıkalyq-nevrologııalyq aýrýhanany kóp jyl basqarǵan Ráshıda Sandybaevanyń máıiti keshe túske jaqyn óziniń páterinde qan-josa bolyp jatqan jerinen tabylǵan. Qylmysker dárigerdiń denesine 30 jerden pyshaq urǵan. Rashıda Qojahmetqyzynyń eńbek kitapshasynda  Qostanaı oblystyq psıhıatrııalyq aýrýhanaǵa jumysqa qabyldanǵany týraly bir-aq sóılem jazylǵan eken. Ol  oblystaǵy psıhıatrııalyq qyzmetke 36 jylyn arnady. 2005 jyldan bastap aýrýhanany basqardy, uzaq ýaqyt oblystyq densaýlyq saqtaý basqarmasynyń shtattan tys bas psıhıatr dárigeri boldy. Bir-eki jyl buryn zeınetkerlikke shyqqan soń, dáriger sot-psıhıatrııalyq saraptaý ortalyǵynda  istedi.  Onyń tragedııalyq ólimi  kásibı qyzmetimen baılanysty bolýy múmkin degen de boljam bar. Qazir  sotqa deıingi izdestirý, tergeý amaldary bastaldy. Názıra Járimbetova «Egemen Qazaqstan»