Golovkın: Meıýezermen judyryqtasý úshin salmaǵymdy azaıtýǵa daıynmyn

Qazaqstandyq boksshy Gennadıı Golovkın (36-0, 33 KO) ESPN telearnasyndaǵy First Take baǵdarlamasyna bergen suhbatynda kishi Floıd Meıýezer (49-0, 26 KO) men Saýl «Kanelo» Alvares (48-1-1, 34 KO) arasyndaǵy aıyrmashylyq jaıly aıtyp berdi. «Árıne, Meıýezer sharshy alańǵa oralyp jatsa, onymen judyryqtasý úshin 155-160 fýntqa deıin salmaǵymdy azaıtýǵa daıynmyn. Floıd pen «Kanelo» arasynda úlken aıyrmashylyq bar. Floı ol – Floıd, pound-for-pound reıtınginde kósh bastap tur. Al «Kanelo» kim? Men tek onyń bos sózderine laıyqty jaýap berý úshin jekpe-jek ótkizgim keledi. Oǵan degen qurmetim qalmady. Ol óte ózimshil adam», – dedi Golovkın. Aıta keteıik, GGG kishi Floıdty birneshe ret jekpe-jekke shaqyrǵan. Alaıda, ol kelissózderge kelmeı, úzildi-kesildi bas tartqan. Al Alvares ótken jyly Amır Handy jeńgennen keıin qazaqstandyqty aıqasqa shaqyrǵan. Sondaı-aq, Golovkın onyń mindetti qarsylasy edi. Biraq meksıkalyq boksshy WBC belbeýin óz erkimen berip, salmaǵyn aýystyrǵan bolatyn.