2017 jyly Qazaqstannyń úsh munaı óńdeý zaýyty jańǵyrtylady

2017 jyly Qazaqstannyń úsh munaı óńdeý zaýytyn jańǵyrtý jobalary aıaqtalady. Sodan keıin óńdeý kólemi 14,5 mln-nan 17,5 mln tonna munaıǵa deıin artatyn bolady. Bul týraly QR Úkimetindegi baspasóz konferensııasynda energetıka mınıstri Qanat Bozymbaev aıtty, dep jazady primeminister.kz. Mınıstr 2017 jyldyń ekinshi jartysynda Pavlodar jáne Atyraý zaýyttaryn jańǵyrtý jumystary aıaqtalatynyn, al 2018 jyldyń birinshi jartysynda Shymkent zaýytyn jańǵyrtý jumystaryn aıaqtaý josparda bar ekenin aıtty. «Joldaýda Memleket basshysy munaı óńdeý kólemin ulǵaıtý qajettigine ekpin túsirdi. Munaı óńdeý zaýyttaryn jańǵyrtý taza munaı ónimderin, benzın, dızel otyny, avıaotyn óndirisin ulǵaıtýǵa múmkindik beredi», - dedi mınıstr. Osylaısha, 2019 jyly Mınıstrlik elimizdiń ishki suranystaryn otandyq munaı ónimderimen tolyqtaı qamtamasyz etip, janar-jaǵarmaı materıaldaryn ımporttaýdy shekteıdi dep kútilýde. Búginde Reseı Federasııasynan ishki naryqqa tasymaldyń 30%-dyq táýeldiligi bar. Eger 70% tutynýshylyq bizdiń úsh munaı óńdeý zaýyttarynyń esebinen qamtamsyz etilse, 30% otyn syrttan ákelinedi. Syrttan tek Reseı Federasııasynan tasý múmkindigi bar, dep naqtylady mınıstr. Sondaı-aq,  RF-nyń kóterme saýda baǵasyna Qazaqstan eshqandaı jolmen yqpal ete almaıdy. Bul jaǵdaıdan shyǵýdyń jalǵyz múmkindigi – jedeldetip zaýyttardy jańǵyrtýdy aıaqtaý. «Árıne, biz janarmaı quıý beketterindegi baǵalardy belgilep qoıa alamyz. Biraq bul ne nársege ákeledi? Reseılik kóterme baǵamen satýshylar bizge tası almaıdy, sebebi ózderi shyǵynǵa batady. Keıin janarmaı quıý beketterinde 30%-dyq tapshylyq oryn alady. Bundaı jaǵdaıdy bastan keshkenbiz. Iıa, benzın qymbat, biraq ol joq emes, bar. Jáne bul benzınniń arzan bolyp, biraq joq bolýynan jaqsy. Tapshylyq oryn alsa, janarmaı sapasynyń nashar bolýy oryn alady», - dedi mınıstr. Onyń aıtýynsha, RF naryǵyndaǵy baǵa belgileý jaǵdaıyna táýeldilik otandyq munaı óńdeý zaýyttarynyń jańǵyrtylǵanyna deıin saqtalady. «О́tken jyly men barlyq úsh zaýytty araladym, tıisti kompanııalardyń aldyna mindetterin júktedim, qarjy bar, merdigerler tartyldy, qajetti jabdyqtar bar, optımıstik kózqaras bar. О́tken jyldan beri barlyq úsh baǵyt boıynsha jumys qarqynyn jyldamdattyq», - dep sózin túıindedi Q. Bozymbaev.