Zelenskııdiń sózinshe, eger halyqaralyq seriktester maıdan shebinen tabylmasa, Reseıdiń ýaqyt óte qaıta shabýyl jasaýyna eshqandaı kedergi joq.
«Eger bizdiń seriktesterimiz maıdanda bolmasa, Reseıdiń qaıta shabýyl jasamasyna kim kepil bola alady? Ony ne toqtatady?», dedi ol.
Sondaı-aq Ýkraına basshysy AQSh-taǵy saıası jaǵdaıǵa da nazar aýdardy. Onyń aıtýynsha, Tramptyń bılikte bolý merzimi shekteýli, sondyqtan tek bir tulǵaǵa senim artý jetkiliksiz.
Germanııa Ýkraınaǵa áýe qorǵanysyn kúsheıtýge mıllıardtar bóldi
«Tramp taǵy eki jarym jyl ǵana qyzmet etedi. Al odan keıin ne bolady?», dep atap ótti Zelenskıı.
Buǵan deıin AQSh Ýkraınaǵa naqty qaýipsizdik kepildikterin tek soǵys aıaqtalǵannan keıin berýi múmkin ekenin málimdegen. Sonymen qatar bul másele Donesk jáne Lýgansk oblystarynyń bir bóliginen ýkraın áskerin shyǵarý sharttarymen baılanysty ekeni aıtylǵan.
Zelenskıı Tramppen Ýkraına men AQSh arasyndaǵy erkin saýda týraly kelisimdi talqylady
Qazirgi ýaqytta Ýkraına bıligi eldi bolashaq qaýipten qorǵaýǵa baǵyttalǵan jańartylǵan qaýipsizdik kepildikteri qujatyn daıyndap jatyr.
Nurbolat AMANBEK
