Reseı Prezıdenti Qasym-Jomart Toqaevty Qurmet ordenimen marapattady

Reseı men Qazaqstan halyqtary arasyndaǵy dostyq pen yntymaqtastyqty nyǵaıtýǵa qosqan úlesi úshin Reseı Federasııasynyń Prezıdenti Vladımır Pýtınniń jarlyǵymen  Qazaqstan Respýblıkasy Parlamenti Senatynyń tóraǵasy Qasym-Jomart Toqaev  Qurmet ordenimen marapattaldy, dep habarlady QazAqparat. «Reseı Federasııasy men Qazaqstan Respýblıkasy halyqtary arasyndaǵy dostyq pen yntymaqtastyqty nyǵaıtýǵa qosqan úlesi úshin Qazaqstan Respýblıkasy Parlamenti Senatynyń tóraǵasy - Toqaev Qasym-Jomart Kemeluly Qurmet ordenimen marapattalsyn», - delingen quqyqtyq aqparat resmı ınternet-portalynda jarııalanǵan qujatta. O sy jarlyqpen QR Qaýipsizdik keńesi hatshysynyń birinshi orynbasary Marat Shaıhýtdınov Dostyq ordenimen marapattaldy. Mádenıet pen óner salasyndaǵy qyzmeti, RF men QR halyqtary mádenıetterin jaqyndatýǵa, ózara baıytýǵa qosqan úlesi úshin «Astana Opera» memlekettik opera jáne balet teatry» kommersııalyq emes qoǵamynyń operalyq trýppasynyń bas konsertmeısteri Elena Sahno  «Pýshkın» medalimen marapattaldy.