Sarapshy «Qaırat» pen «Astananyń» Sýperkýbok fınalyndaǵy kezdesýine boljam jasady

Qazaqstandyq sarapshy Aǵadildá Qasenov «Astana» men «Qaırat» arasyndaǵy match jaıly oı bólisti. Bul týraly vesti.kz habarlady. «Elimizdiń qos myqty komandalary oınaıdy. Sondyqtan matchtyń tartysty ótetinine kúmánim joq. Eger aýa raıy qolaıly bolsa, stadıonǵa biraz jankúıerdiń keleri anyq. Mundaı matchta naqty bir komandanyń jeńisine senim artý qıyn. «Qaırat» óz alańynda oınaǵandyqtan, jankúıerleriniń qoldaýy kómegin tıgizeri belgili. О́tken maýsymdaǵy sátsizdikteriniń ornyn toltyrady degen oıdamyn. Menińshe, 2:1 esebimen «Qaırat» jeńiske jetedi», – dedi sarapshy. «Astanadan» Roher Kanıas ketti. Bul da keri áserin tıgizbeı qoımaıdy. Komandanyń ótkir shabýyldary kóbine osy kolýmbııalyq fýtbolshydan bastaý alatyn. Ásirese, qorǵanys pen shabýyldy jalǵastyratyn birden bir mańyzdy oıynshy bolatyn. Onyń orny oısyrap turady. Biraq fýtboldyń aty fýtbol. Kútpegen jaıttardyń da bolyp turý qalypty jaǵdaı. Bálkim, Ivan Maevskıı ózin jaqsy qyrynan kórsetip qalar», – dedi ol. «Kanıastyń sońǵy maýsymda sátsiz óner kórsetip júrgeni baıqaldy. Elordalyqtar ony jalǵa berip, durys qadam jasady. Al Maevskııdiń qanshalyqty bilikti oıynshy ekenin ýaqyt kórsetedi. Stanımır Stoılovtyń úmitin aqtaıdy degen oıdamyn», – dedi Qasenov. «Qaırat» transferlik ýaqytta qajet oıynshylarmen tolyqty. Jeńiske degen qulshynystary da baıqalady. Almatylyqtar bıyl el chempıonatynda top jarady dep oılaımyn. Chempıon atanatyn kezi keldi», – dedi ol. Aıta keteıik, qos komanda 4 naýryz kúni Almatydaǵy Ortalyq stadıonda Qazaqstan Sýperkýbogyn sarapqa salady. Match Astana ýaqyty boıynsha saǵat 15:00-de bastalady.