Ulttyq mýzeıde Elbasy Joldaýy talqylandy

Búgin Ulttyq mýzeıde «Elbasy Joldaýy: Qazaqstannyń jańa damý baǵdary» atty dóńgelek ústel ótti. Dóńgelek ústelde Qazaqstan Respýblıkasynyń Prezıdenti N.Á.Nazarbaevtyń 2017 jylǵy «Qazaqstannyń úshinshi jańǵyrýy: jahandyq básekege qabilettilik» atty halyqqa Joldaýynyń basym baǵyttary talqylanyp, kópshilikke jetkizý maqsattary jóninde sóz qozǵaldy. Joldaýdyń mádenıet salasyna qatysty tustary basa nazarda ustalyp, Ulttyq mýzeıdegi jańa tehnologııalardyń qajettilikteri men tıimdilikteri qyzý talqyǵa tústi. «Bul ózgeris, bul jańǵyrý bizdiń memleketimizdiń aldyndaǵy jańa beles jáne Táýelsiz memleketimizdiń aldyna qoıylǵan zaman talaby desek te bolady. Bul Joldaýdy biz jaı ǵana dóńgelek ústelderde talqylap qoımaı, talaptar men mindetterdi oryndaýǵa talpynýymyz kerek», – dedi QR Ulttyq mýzeıi dırektorynyń ǵylymı jumystary jónindegi orynbasary Jáken Taımaǵambetov. Al «Halyq qazynasy» ǵylymı-zertteý ınstıtýtynyń basshysy Aqan Ońǵar: «Men osy Joldaýdaǵy adam faktory, ıaǵnı, adam kapıtaly degen tusqa toqtalǵym kelip otyr. Álemniń aldyńǵy qatarly elderiniń kópshiliginde osy máselege basa nazar aýdarylady. Iаǵnı, bilimdi azamattar, sapaly mamandar daıyndaý. Osy oraıda biz de ulttyq qasıetterimizdi damyta otyryp, halqymyzdyń sapasyn arttyrýymyz kerek. Jáne bul memlekettiń baǵdarlamasy bolǵanymen, sapaly maman bolyp qalyptasý ózimizdiń qolymyzda. Memleket bizge úmit artady», – dep jas mamandardyń aldyna úlken maqsattar qoıdy.