Kofeın ázirge dopıng dárilerdiń qataryna engizilmeıdi

Dúnıejúzilik antıdopıng agenttigi (WADA) jaqyn ýaqytta tyıym salynǵan dári-dármekterdiń qataryna kofeındi qosýǵa nıetti emes. Álemdik BAQ betterinde jarııalanǵandaı, kofeın qazirgi ýaqytta WADA-nyń baqylaýynda tur. Alaıda, ol tyıym salynǵandardyń qataryna ený úshin úsh talaptyń ekeýine sáıkes kelýi qajet: eger ol sportshynyń oń nátıjelerine septigin tıgizse, dáriniń zııany bolsa jáne sportqa degen qulshynysy tómendese. Qazirgý ýaqytta kofeındi zertteý jumystary jalǵasyp jatyr. Federaldyq medısınalyq-bıologııalyq agenttiginiń basshysy Vladımır Ýıbanyń aıtýynsha, WADA 2018 jyly kofeındi tyıym salynǵan preparattardyń qataryna qosýy múmkin. «Eger bul is júzege asyp jatsa, sportshylarymyzǵa kofe, sondaı-aq quramynda kofeıni bar taǵamdardy, preparattardy qoldanbaýǵa keńes beremiz», – dedi ol. Dúnıejúzilik antıdopıng agenttigi jyl saıyn dopıng dárileriniń tizimin jańartyp otyrady. Máselen, 2015 jyly meldonıı dárisi engen. Al kofeın men nıkotın 2011 jyldan beri WADA-nyń «yntalandyrýshy» dáriler retinde baqylaýynda tur.