Kúkirt qyshqylyn óndirý kólemi artty

Stepnogor kúkirt qyshqyly zaýyty óziniń tolyq óndiristik qýatyna jetip otyr. Bul jóninde «Qazatomprom Kúkirtqyshqyly zaýyty birlesken kásiporny» JShS dırektory Tóleýjan Jeksembaev málimdedi. Kezinde Stepnogor ken-hı­mııa­lyq kombınaty dep atalyp kel­gen kásiporyn 2008 jy­ly óz ataýyn «Qazatomprom Kú­­kirtqyshqyly zaýytynyń bir­­lesken kásiporny» JShS de­p ózgertken bolatyn. So­dan beri jańa kásiporyn óz ón­­di­risin jol­ǵa qoıyp, kú­ki­­rt qyshqylyn sapaly etip shy­ǵara bastady. «Kúkirt qyshqylyn óndirýdi 2015 jyly bastadyq. Al byltyr zaýyt tolyq qýatyna kósh­ken­nen keıin jylyna 180 tonna kúkirt óndire bastadyq», deı­di Tóleýjan Jeksembaev. Qu­ny 13,3 mlrd teńgelik ınves­tı­sııa­lyq joba Qazaqstan Res­pýb­­l­ıkasynyń 2010-2014 jyl­dar­­ǵa arnalǵan údemeli ın­dýs­trııa­lyq-ınnovasııalyq damý baǵ­darlamasy jáne elimizdiń 2015-2019 jyldarǵa arnalǵan In­dýstrııalandyrý kartasy sheń­berinde iske asyp otyr. Kú­kirt qyshqyly zaýytyn qaıta qu­rylymdaý 222 jumys ornyn qurýǵa múmkindik berse, so­lardyń 97 paıyzy jergilikti tur­ǵyndar ekendigin de aıta ketken oryndy. Al ortasha aılyq ja­laqy 154 526 teńge sha­ma­synda. Aqmola oblysynyń kásip­ker­lik jáne óndiris basqarmasy aq­paratyna qaraǵanda, 2015 jyl­dan beri Indýstrııalandyrý kar­tasy boıynsha 13 myń jumys or­ny ashylyp, quny 815,2 mlrd teń­ge bolatyn 110 joba iske asy­rylypty. Asqar TURAPBAIULY, «Egemen Qazaqstan» Aqmola oblysy