Tasqynǵa tosqaýyl qoıa alamyz ba?

Bıyl Jaıyq ózenindegi sý tasqynynyń qaýpi joǵary. Sınoptıkter ózen bastaý alatyn Reseı aýmaǵynda qar mólsheri men topyraq yl­ǵal­dylyǵy jyldaǵydan 50 paıyzǵa deıin artqanyn aıtyp otyr. Ob­lystyq tótenshe jaǵdaılar departamentiniń basshysy О́mirzaq Sa­ǵynbektiń málimetinshe, sý tasqynynan qaýipti degen aımaqta bir qala, 16 eldi meken, 7800 úı men 15 myńnan astam turǵyn bar. Qur­ma­nǵazy aýdanyndaǵy aýyldardy sý tasqynynan qorǵaý úshin 63 sha­qyrym bóget qurylysynyń jobalyq qujattary ázirlenýde. Ma­ham­bet aýdanyndaǵy Alǵa aýylynda eki shaqyrym bógettiń qorǵanys ju­mystary sáýir aıynda bastalady. – Oblys ortalyǵy men aý­dan­dar­dyń tótenshe jaǵdaıǵa arnalǵan qa­ra­jat qory 1 mlrd 349 mln teńge. Shu­ǵyl shyǵyndarǵa arnalǵan qorda 203 mln teńge bar. Biraq Maqat aýda­nynda atalǵan eki qorǵa da qarjy qa­ras­­tyrylmaǵan. Inder, Qurmanǵazy aý­­dandarynda shuǵyl sharalarǵa qo­symsha aqsha bólinbeı otyr, – deıdi departament basshysy. – Bul óz kezeginde atalǵan aýdandardyń tó­ten­­she jaǵdaıǵa daıyn emestigin kór­se­tedi. Atyraý qalasyndaǵy 13 bólimshede qar sýyn káriz júıesi arqyly dalaǵa ji­­berý jumystary qoldanysqa en­gi­zi­l­mek. Qala ákimi Serik Shápkenov 78 bógettiń 27-sinde ǵana qujat baryn aı­­tady. Eleýsiz jatqan bógetterdiń to­pyraǵyn turǵyndar urlaǵan derek­ter de tirkelgen. Oblys ortalyǵy ma­ńyndaǵy Geolog kentinde sońǵy jyl­dary jer asty sýy tómendemeı otyr. Buryn úsh metr tereńdikten shy­ǵa­tyn sý qazir elý santımetrden-aq anyq kórinedi. Shalǵaıdaǵy Qyzylqoǵa aýdanyn­da eldi mekenderdiń joly jabylyp jat­qany da alańdatarlyq jaıt. Ob­lys­tyq mańyzy bar joldarǵa tehnı­ka jiberilip, arshylypty. «Al aý­dan­nyń teńgerimindegi aýyl- darda 220 sha­qyrym jol bar. Olardy tazalap tu­rýǵa qarjy qaralǵan joq», – deıdi aý­dan ákimi Maqsot Muqanov. Yqtımal qaýiptiń aldyn alýǵa ba­ǵyttalǵan tótenshe jaǵdaı ko­mıs­sııa­­synyń otyrysynda oblys ákimi Nurlan Noǵaev kez kelgen ýaqytta kez kel­gen jaǵdaıǵa daıyn bolý kerektigin qa­perge saldy. О́tken jyly Atyraý qa­lasynda 1 myń, aýdandarda 500 úı sýǵa ketken edi. Baqytgúl BABASh, «Egemen Qazaqstan» Atyraý oblysy