Dıýker máselesi oń sheshimin tabatyn boldy

Árıne, maqalada aı­t­ylǵan faktiler naqty, durys kór­setilgen. Semeı qalasyn aýyz sýmen qamtyp otyrǵan sý tazalaý qondyrǵysy ábden tozyp ketkeni ras. Ol jarylyp, isten shyǵyp qalsa bir emes, birneshe memlekettiń aýyz sýy lastanady. Dıýkerden shyqqan las qaldyq Ertiske quıylyp, ózenniń ta­bı­ǵaty men tirshiligine, balyq, jan-janýarlar álemine apat ke­ledi. Respýblıkalyq gazettiń kó­­terip otyrǵan taqyrybyn qol­­daımyz. Respýblıka tarapynan bıýdjetke enetin problemaly másele edi, bıyl oblystyq ákim­diktiń umytyp ketýi salda­rynan nazarǵa alynbaǵan. Naq­ty aıtsaq, Ulttyq ekonomıka mınıstrliginiń qurylys já­ne turǵyn úı-kommýnaldyq sha­rýashylyq jumystary ko­mı­tetiniń tóraǵasy Beıbit Sha­hanovtyń málimdeýinshe, «2017-2019 jyldardaǵy res­pýb­lı­ka­lyq bıýdjetke bul má­sele jó­ninde eshqandaı da usy­nys ob­lys ákimdigi tarapynan tús­pe­­gen. Sondyqtan da bıýdjetke kir­­gizilmeı qalǵan». Osyndaı jaýaptar alynǵannan keıin já­ne respýblıkalyq gazetke ja­rııalanǵannan soń da, dıýker bizdiń tikeleı nazarymyzda tur­dy. Aıta ketý kerek, «Nur Otan» partııasynyń Semeıdegi fılıaly jyl qorytyndysy boıynsha óz jumystaryn júr­gi­zýde Astana jáne Almaty qala­la­rynan keıin úshinshi oryndy ıe­lenip otyrmyz. Jaqynda О́skemen qalasynda oblys áki­mi Danıal Ahmetovtiń esebi tyń­dal­ǵan edi, Semeı qalasynan ar­naıy baryp, turǵyndarynyń aty­nan sóz alǵan men ol kisige osy dıýker máselesine qatysty su­raq qoıdym. Qalada Ertis ózeni arqyly ótetin káriz dıýkeri jyldar boıy úlken máselege aı­nalyp kele jatqanyn, atal­ǵan máseleniń barlyq tıisti at­qarýshy bılik oryndarda kó­te­rilgenin, problemanyń gazet be­tine jazylǵanyn aıtyp, qashan oń sheshiletinin suradym. Bul saýalyma oblys ákimi Danıal Ahmetov Semeı qalasyndaǵy dıýkerge qatysty máseleniń she­shi­mi sońǵy eki jylda durys tabyl­maı kele jatqanyn, jalpy jo­banyń quny ázirshe 980 mln teńge bolatyndyǵyn, jumystar keler 2018 jyly bastalatynyn aıtty. Degenmen, kezdesý aıaqtalǵan soń, oblys basshysy bul dıýkerdiń kelesi jylǵa deıin shydamaýy da múmkin ekendigin eskerip, jóndeý jumystarynyń meılinshe tez arada bastalýyn tikeleı nazaryna alypty. Zýlfııa JAMALATDINOVA, «Nur Otan» partııasynyń Semeı qalalyq fılıaly tóraǵasynyń orynbasary