«Saryarqa» men «Torpedo» – shırek fınalda

Joǵary hokkeı lıgasynyń pleı-off kezeńinde óner kórsetip jatqan qazaqstandyq qos klýb – Qaraǵandynyń «Saryarqasy» men О́skemenniń «Torpedosy» qarsylastarynan basym túsip, kelesi raýndqa shyqty. Qaraǵandyda ótken oıynda «Saryarqa» Chehovtiń «Zvezda» komandasyn qabyldap, 5:0 esebimen oısyrata jeńdi. Tóreshiniń ysqyryǵy estile sala alǵa umtylǵan aıdyn ıeleri qarsylastaryn birden qysymǵa ala jóneldi. Oraıy kelgen tus­tarda qaýipti soqqylaryn da jaý­dyryp jatty. Alaıda, shabýyl­da qanshalyqty ses kórsetse de, alǵashqy goldy tek birinshi ke­zeń­niń sońǵy mınýtynda saldy. Oıynshy basymdyǵyn tıimdi paıdalanǵan qaraǵandylyqtar Mıhaıl Anısınniń kómegimen alǵa shyqty. Oıynnyń kelesi bóligi de dál osy baǵytta órbidi. 30-mınýtta Dmıtrıı Jelnerovskıı baǵyttaǵan soqqy qarsy qaqpanyń torynan bir-aq shyqty. Úshinshi kezeń «Sary­arqa» úshin asa sátti ótti. 52-mınýtta Dmıtrıı Jelnerovskıı oıyn­daǵy ekinshi shaıbasyn salsa, araǵa tórt mınýt salyp, Nerıýs Alıshaýskas eseptegi basymdyqty arttyra tústi. Al 58-mınýtta Anton Sagadeev kezdesýdegi sońǵy goldyń avtory atandy. «Saryarqa» osylaısha «Zvezda» klýbyn jalpy esepte 4:1 etip je­ńip, Joǵary hokkeı lıgasy pleı-off kezeńiniń shırek fınalyna joldama aldy. Osy synda «Torpedo» komandasy óz aıdynynda «Ijstal» ujymymen kezdesip, 3:2 esebimen basym tústi. Matchtaǵy alǵashqy shaıba 14-mınýtta soǵyldy. Denıs Igna­shın mergendigimen tanylyp, shyǵysqazaqstandyqtardy alǵa shyǵarsa, 28-mınýtta Anton Kochýrov ekinshi shaıbanyń avtory atandy. Arada alty mınýt ót­kende qonaqtar sapynan Leonıd Metalnıkov esep aıyrmashylyǵyn qysqartty. Kezdesýdiń úshinshi kezeńinde qos komanda bir-bir goldan soqty. Aldymen, Talǵat Jaılaýov 47-mınýtta «Torpedonyń» úshin­shi golyn salsa, 58-mınýtta Kı­rıll Knıazev sońǵy núkteni qoı­dy. «Torpedo» komandasy serııaly matchta tórtinshi ret jeńiske jetip, shırek fınalǵa shyqty. Aıan ÁBDÝÁLI, «Egemen Qazaqstan»