Golovkın: О́zińdi myqty jaǵynan kórsetseń, eshkim jekpe-jekke shyqqysy kelmeıdi

Orta salmaqta WBA (Super), IBO, WBC jáne IBF tujyrymdary boıynsha qazaqstandyq Gennadıı Golovkın (36-0, 33 KO) WBA (Regular) belbeýiniń ıegeri Denıel Djeıkobspen ótetin jekpe-jegi jaıly pikir bildirdi.  Bul týraly vesti.kz habarlaıdy. «Maǵan eski mektep unaıdy. Keıde men erekshe bir jekpe-jek uıymdastyrǵym keledi. Ylǵı myqty qyrymnan kórsete bersem, judyryqtasýǵa eshkim shyqpaıdy», – dedi qazaqstandyq boksshy. «Djeıkobs menen qoryqpaıdy, sebebi bul – boks. Ol óz mindetin, shama-sharqyn jaqsy biledi. Bizdi tartysqa toly jekpe-jek kútip tur. Bul ekeýimiz úshin naǵyz syn saǵaty bolmaq», – dep jazady Boxingnews24.com. Buǵan deıin GGG Djeıkobsqa qarsy kezdesýde jankúıerlerine úlken syı jasaıtynyn, sondaı-aq, Djeıkobsty tize búktirý úshin baryn salatynyn málimdegen. Aıta keteıik, qos boksshynyń arasyndaǵy aıqas 18 naýryz kúni AQSh-tyń Nıý-Iork qalasyndaǵy Madison Square Garden arenasynda ótedi. HBO telearnasy aqyly translıasııa júıesi arqyly taratsa, elimizde bul keshti 19 naýryzda 08:00-de «Qazaqstan» jáne «KazSport» telearnalary tikeleı efırde kórsetedi.