«Qazaqmys korporasııasy» basqarý keńesine bas dırektor taǵaıyndaldy

Búgin «Qazaqmys korporasııasy» JShS músheleriniń kezekten tys jalpy jınalysynda korporasııanyń dırektorlar keńesiniń atqarý komıtetiniń atyn «Qazaqmys korporasııasy» JShS keńes basqarýshysy dep ózgertý týraly sheshim qabyldandy, dep habarlady QazAqparat. Qyryqpyshev Baqtııar Ábirahmanuly «Qazaqmys korporasııasy» JShS birinshi basshysy, basqarý keńesiniń bas dırektory bolyp taǵaıyndaldy.  Onymen birge korporasııanyń basqarý keńesine bes top-menedjer jatady. Atqarý komıtetiniń ókildiginiń merzimi úsh jyl bolady. Ogaı Edýard Vıktoruly «Qazaqmys Holdıng» JShS dırektorlar  keńesiniń tóraǵasy, Qazaqmys kompanııasy tobyndaǵy kompanııa basqarýshysy bolyp qala beredi. Qazaqmys korporasııasy – Qazaqstandaǵy paıdaly qazbalardy óndirý jáne óńdeý  jumystaryn júrgizýdegi aldyńǵy qatardaǵy kompanııa. Sonymen birge, elimizdegi mys  óndirý alyby. Kompanııa quramynda on bir kenish, tórt ken baıytý fabrıkasy bar. Qazaqmys korporasııasy ken óndirý oryndary men ony satý deńgeıine deıin jetkizetin óndiris oryndaryn basqarady. 2016 jyly katodtyq ekvıvalentte 225,657 myń tonna mys jáne 2325 kg som altyn óndirildi. Qazaqmys dúnıe júzinde kúmis óndirýden aldyńǵy  qatardaǵy óndiris oshaǵy. 2016 jyly 249,6 tonna affınırlengen taza kúmis óndirildi. Korporasııa quramynda 36 myńnan astam adam eńbek etedi.