Semeıde sýǵa ketken balany izdestirý jumystary jalǵasyp jatyr

Bul týraly Shyǵys Qazaqstan oblystyq Tótenshe jaǵdaılar departamentiniń baspasóz qyzmeti habarlady. Qutqarýshylar ótken jeksenbi kúni muzdyń jarylýynan sýǵa ketken 10 jastaǵy balany búgin mine, úshinshi kún boıy izdestirip jatyr. Sýdyń aǵyny keı jerlerde sekýndyna 2 metrge jetkendikten súńgýirlerdiń sý astyna túsýi múmkin bolmaı otyr. Sondyqtan tereńdigi 3 metr aýmaqty qamtıtyn beınekamerany paıdalanyp jatqan kórinedi. Sý aǵyny baıaý jerlerde qutqarýshylar sý astyna túsip, izdestirý jumystaryn júrgizip jatyr. Olar úsh kún ishinde 20 metrge jýyq muzdy arshypty. Qazirgi ýaqytta qutqarýshylar ózen aǵysymen 2 shaqyrymǵa jýyq jerdi júrip ótipti. Izdestirý jumystaryna Shyǵys óńirlik aeroutqyr jedel qutqarý jasaǵy men Semeı qalalyq Tótenshe jaǵdaılar basqarmasynyń 8 qyzmetkeri jáne 9 erikti jumyldyrylǵan. Eske sala keteıik, qaıǵyly oqıǵa 5 naýryz kúni Ertis ózeninde oryn aldy. Muz ústinde oınap júrgen eki balanyń biri juqa muzdyń jarylýynan sýǵa batyp ketken bolatyn. Azamat QASYM, «Egemen Qazaqstan» Shyǵys Qazaqstan oblysy  Sýret ShQO Tótenshe jaǵdaılar departamentiniń baspasóz qyzmetinen alyndy