Ásemdik álemine shaqyrady

Halyqaralyq áıelder merekesi qarsańynda О́skemendegi mý­zeı-qoryqtyń «Altaı» galereıasynda sýretshi Toǵjan Ospa­novanyń «Áıel kózqarasy» atty derbes kórmesi ashyldy. «Mýzeı keńistigindegi jańa esimder» atty uzaq mer­zimdi joba aıasynda uıym­dastyrylǵan kórmege sý­ret­shiniń 50-den astam týyndylary qoıylǵan. Qylqalam sheberiniń «Aǵa­rań­daǵan jelken», «Taý etegin­de», «Kofe hanshaıymy», «Jul­dyzdy aspan», «Nóser», «Belgi pannosy» syndy kartınalaryna kóz salǵan kórermen kógildir kók­temniń lebin sezinip, ásemdik álemine tereńinen boılaıdy. Toǵjan Ospanovanyń negizgi mamandyǵy – muǵalim. Zań­gerlik bilimi de bar. Sýret salýǵa mektep qabyrǵasynda júr­gennen áýes bolǵanyn aıtqan sýretshi ózge mamandyqty tańdasa da, qylqalamǵa degen qushtarlyǵynyń eshýaqytta kemimegenin, balalary eseıip, er jete bastaǵan soń súıikti kásibine qaıtadan den qoıǵanyn tilge tıek etti. – Búgingi kórmege qoıylǵan eńbekterimniń barlyǵynda meniń ómirge degen kózqarasym, oılarym men sezimderim bar. Bir jaǵynan ózim birtúrli jalańashtanyp qalǵandaı kúıde turmyn. О́ıtkeni, aralasatyn ortam – jaqyndarym men áriptesterimniń arasynda meniń sýret salatynymdy bilmeıtinder de bar. Bul kórme olar úshin naǵyz jańalyq boldy, – deıdi sýretshi. Azamat QASYM, «Egemen Qazaqstan» О́SKEMEN