«Sıfrly Qazaqstan» úshin erekshe qýanyshtymyz

Bizdiń býyn keremet ýaqytta dúnıege kelip, ómir súrip jatyr dep sanaımyn. Sebebi, biz Táýelsiz elde týyp, elimizdiń jyl sanap saıası, ekonomıkalyq jáne áleýmettik turǵyda nyǵaıyp kele jatqanyna kýá bola júrip, oǵan óz úlesimizdi qosý múmkindigine ıe boldyq. Táýelsizdiktiń 25 jylynda Elbasy men halqymyz orasan zor jumystardy atqaryp, qazaqstandyqtar úshin damýdyń zor múmkindikterin qalyptastyrdy. Avstrııa men Eýropalyq odaq elderiniń azamattary Qazaqstan týraly habardar, olar bizdiń mádenıetimizge, elimizdiń jastaryna úlken qyzyǵýshylyqpen qaraıdy. Bizge jáne elimizge degen syı-qurmetteri erekshe. Bıyl elordamyzda EKSPO-2017 halyq­aralyq kórmesi ótpek. Jýyr­da ǵana Almaty­da Dúnıe­­júzilik Ýnıver­sıa­da-2017 máre­­ge jetti. Osynyń bári – Qazaq­stan­­­nyń álemdik are­nada mo­ıyn­­­dalǵanynyń aıqyn belgisi. Memleket basshysynyń 31 qańtar kúni Qazaqstan halqyna arnaǵan «Qazaqstannyń Úshin­shi jańǵyrýy: jahandyq báse­kege qabilettilik» atty Jol­daýy elimizdiń ál-aýqatyn art­­tyrýǵa baǵyttalǵan mańyz­dy qadamdardyń biri dep sanaı­myn. Jas býyn ókili retin­de, ásirese, «Sıfrly Qazaq­stan» baǵdarlamasy úshin erek­she qýanyshtymyn. Sebe­bi, bola­shaq tehnologııaǵa baı­la­nysty, teh­nologııalyq tur­ǵy­­da damýǵa qol jetkizý bas­qa sa­la­larǵa da serpin bere­di. So­ny­men qatar, IT baǵ­dar­lama­lar shyǵyndardy azaı­typ, ýaqyt­ty únemdeýge kómek­tese­di, adam­dar ózara aqparat, taýar jáne qyzmet túrlerin almasa alatyn bolady. Avstrııadaǵy qazaqstandyq stýdentterdiń pikirinshe, bola­shaqta otandyq ónimderdi eks­por­ttaý elimizdiń basqa mem­le­ket­termen aradaǵy saıası baılanystaryn jaqsar­typ, ekonomıkalyq ál-aýqaty­myz­dyń artýyna oń yqpal etedi. Otan­dyq óndiristi jolǵa qoıý, qaı­ta óńdeý halqymyzdy ol ónim­­derdiń sheteldik balama­sy­nan bas tartqyzyp qana qoı­maı, óz ónimderimizdi maqtan tutý­ǵa, jas­tardyń sanasynda otanshyl­dyq rýhtyń kúsheıýine de áser etetini sózsiz. Bılik tarmaqtary arasynda ókilettikterdi qaıta bólý máseleleri de basqarý júıesiniń tıimdiligin arttyryp, az ýaqyt ishinde nátıje bere bastaıdy dep senemin. Parlament pen Úkimettiń róliniń kúsheıýi olardyń halyq aldyndaǵy jaýapkershiligin arttyrýǵa tıis. Álemdik tájirıbede bu­ryn­nan bar bul tájirıbe eli­miz­degi turaqtylyqtyń odan ári nyǵaıa túserine áser etedi. Qazirgi tańda Qazaqstannyń álemdegi eń damyǵan elderdiń qatarynan kórinýine múmkindik týyp tur. Álıhan ASQAR, Avstrııadaǵy Qazaqstan stýdentteri qoǵamynyń prezıdenti