Jahandyq básekege jańasha kózqaras

Memleket basshysy Nursultan Nazarbaevtyń bıylǵy «Qazaqstannyń Úshinshi jańǵyrýy: jahandyq básekege qabilettilik» atty Joldaýy elimizdiń ári qaraıǵy damýyn aıqyndap bergen mańyzdy qujat boldy. Bul jóninde Aqmola oblysy Ádilet departamenti basshysynyń orynbasary Gúlmıra Ákimova aıtyp berdi. Jalpy, Joldaý elimizdiń 25 jyl­­­da jetken jetistikterin tú­ıin­­dep, jahandyq básekeles­tikke qabilettigimizdi arttyrýǵa baǵyttalǵan mańyzdy qujat bolyp tabylady. Elimizdiń eń basty jetistikteri degende, G.Ákimova jyl basynan Qazaqstannyń BUU Qaýipsizdik Keńesiniń turaqty emes músheligine saılanýyn jáne Or­talyq Azııaǵa ǵana emes, TMD keńis­tiginde de aıtýly oqıǵa sa­na­latyn EKSPO-2017 halyqara­l­yq mamandandyrylǵan kórmesin ótkizý ekendigin erekshe atady. Qazirgi tańda Qazaqstan álem­niń damyǵan 30 eliniń qataryna qosylýǵa umtylyp keledi. Bul rette, «Nurly jol» jáne «100 naqty qadam» Ult josparynyń arqasynda biz alǵashqy kezeńnen súrinbeı óttik. Olaı bolsa, el eko­­nomıkasyn ári qaraı órken­detý­ge, sonymen qatar, bıznesti qoldaýǵa múmkindigimiz bar. Jáne de 200 myńnan astam jumys oryndarynyń qurylýy osynyń naqty kórinisi bolyp tabylady. Álemdegi jaǵdaı túbegeıli ózgerip keledi. Bul jańa jahan­dyq ahýal, sondyqtan da biz ony qabyldaýymyz kerek. Tarqatyp aıtqanda, álemde Tórtinshi óner­kásiptik revolıýsııa bastaldy. Sondyqtan da, Prezıdent aldy­myzǵa Qazaqstannyń Úshinshi jańǵyrýy mindetin qoıyp otyr», dedi Gúlmıra Mutalaıqyzy. Bu­dan keıin ol bes basymdyqtyń mańyzyn ashyp berdi. Jalpy, Qazaq­stan Dúnıejúzilik ekono­mı­kalyq forýmnyń (DEF) Jahandyq básekelestik ındeksi (JBI) reıtınginde 2007 jyly 61-shi orynnan 2016 jyly 53-shi orynǵa deıin kóterildi. Al Doing Business reıtıngi boıynsha 59-shy orynnan 35-shi pozısııaǵa oıysýymyz jaqsy nátıje. G.Ákimova DEF-tiń Jahan­dyq básekelestik ındeksi 114 kór­set­kish boıynsha baǵalana­ty­nyn, sonyń 34-i halyqaralyq uıym­dardyń statıstıkalyq máli­m­etterine negizdelse, al 80-i orta jáne iri kásiporyndar bas­shylarynyń pikirlerine sáı­kes júrgiziletinin jetkizdi. Bul turǵydan alǵanda, DEF JBI-degi barlyq kórsetkishterimizdiń jaqsara túsýi memlekettik or­gan­dardyń osy baǵyttaǵy jumy­synyń oń nátıjesin bildiredi. Ádilet mınıstrligi 4 ındıkator boıynsha jaýapty atqarýshy bolyp tabylady. Jalpy, ádilet salasyndaǵy jetistikterge keńinen toqtalǵan Gúlmıra Mutalaıqyzy Aqmola oblysynda 18 memlekettik qyz­met kórsetilse, sonyń 17-si tirkeý qyzmeti jáne quqyqtyq kómek kórsetýmen baılanysty ekenin, al 1 qyzmet túri sot aktilerin oryndaýǵa qatysty ekenin alǵa tartty. 2016 jyly kórsetilgen memlekettik qyzmet oblysta 95 541-ge jetse, merzimi ótip ketý sııaqty faktiler tirkelmegen. Sondaı-aq, tóraǵa orynbasary memlekettik qyzmettiń 23 093-i elektrondy formatta kórsetilgendigin jetkizdi. Bul – 2015 jylmen salystyrǵanda 13 paıyzǵa artyq. Sonymen qatar, ótken jyly 9 497 azamatqa tegin zańgerlik kómek kórsetilgeni de atap ótildi. Jáne de sot at­qarý­shylar tarapynan 2016 jyly atqarýshylyq sanksııalar­dy oryndaýdyń nátıjesinde res­pýb­lıkalyq bıýdjetke 38 mıl­lıonnan astam teńge túsipti. Asqar TURAPBAIULY, «Egemen Qazaqstan» Aqmola oblysy