Keleshekke keń jol ashqan

Elbasynyń bıylǵy Joldaýy táýelsizdigimizdiń 25 jylynda jınaǵan tájirıbelerimiz ben jetistikterimizdiń nátıjesin saralap, qazirgi álemdik saıası-ekonomıkalyq úderispen úılestirip, úndestiretin keshendi baǵdarlamalardy qamtyǵan, halqymyzǵa jiger berip, qoǵamymyzdyń árbir múshesin qýatty kúshke aınaldyra alatyndaı baǵaly qujat boldy. «Álemdi túgel kórse de, as­pan­da juldyz aralap, aı nuryn us­­tap minse de, qyzyqqa toımas adam­­zat», dep abyz Buqar jyraý aıt­qandaı, jahanda Tórtinshi óne­r­kásip­tik tańǵajaıyp revo­lıý­­sııa qarqyndy bastaldy. Qazir aqparattyq tehnologııanyń arqa­synda jumyr Jer birtutas aǵzaǵa aınaldy. Álemdik qoǵam­dastyqta móldir shekara uǵymy qalyptasa bastaǵany belgili. Bul qubylys qarjy aınalymy, bıznes, jol-kólik, rýhanııat salalarynda da ashyq baıqalyp otyr. Endi eshkim de tomaǵa-tuıyq, jeke-dara ómir súrýi múmkin emes. Joldaýda órkenıetti álemdi qam­­tyǵan túbirli ózgerister­den óz úlesimizdi, syıly syba­ǵa­­myz­dy básekege qabiletti bol­­ǵan jaǵ­d­aıda ǵana ala alaty­ny­­myzǵa erekshe nazar aýda­ryl­­ǵan. Osy maqsatta Elbasy mem­le­ketimizdiń bılik tar­maq­taryn, qoǵamymyzdyń árbir býynyn túgel qozǵaýshy kúsh­ke aınaldyratyndaı ále­ýetti ádis-tásilder júıesin usyn­ǵan. Joldaýda áleýmettik-eko­no­mıkalyq ómirimizdiń qam­tyl­maı qalys qalǵan birde-bir sala­sy joq, sonymen bir­ge, ár qadamymyzǵa naqtyly tapsyr­malar, tegeýrindi qoldaýlar, qundy usynystar bildirilgen. Aıtalyq, agroónerkásiptik keshendi damytý arqyly aýyl eńbekkerlerin demeý, jappaı kásipkerlik baǵdarlamasyn jasaý, otbasylyq kásipkerlikti qoldaý sekildi tamyrly sala­larǵa Joldaýdyń naqtyly tar­maq­tary arnalyp, qıyn túıin­derdi sheshýdiń biregeı de bi­rizdi jospary jasalǵan. Eń qýan­tarlyǵy, bul qujat qazaq qoǵa­mynyń árbir múshesin beı­jaı júrmeı, endigide bel­sen­di áreketke, tegeýrindi sharýa­qorlyqqa bastaıtyn joldardy kór­setip, ony qamtamasyz ete­tin zańnamalyq negiz jasaýǵa úndegen. «Nurly jer» baǵdarla­ma­synyń da bereshegi mol ekeni aıqyn. Munda aıtylǵan túrli bastamalar aýyl eńbekkerlerin joǵaryǵa qol jaıǵan keıpinde emes, naǵyz ekoónim óndiretin aýqatty qojaıyn, maıtalman kásipker retinde kórinetin kúnniń alys emes ekenin baıqatady. Ana tilimiz árkim ár jaqqa tar­tatyn daýdyń tutqa­sy emes, búginderi BUU Qaýip­siz­­dik Ke­ńe­siniń turaqty emes mú­she­si bo­lyp otyrǵan áleýet­ti eli­miz­­diń rýhanı tutastyǵy­nyń al­tyn arqaýy ekeni Jol­daý­da ba­ıyp­talady. «Qazaq tili­niń basym­dy­ǵy saqtala­dy. Onyń ári qaraı damýyna zor kóńil bólinedi» dep tujy­rym­­dalǵan qujatta. Bilim berý júıesin sapalyq jańa deń­geıge, álemdik mejege kóshirý qajet ekenin saraptaǵan Elbasy «IT-bilimdi, qarjylyq saýat­­ty­lyq­ty qalyptastyrýǵa, ult­jan­dylyqty damytýǵa basa kóńil bólý kerek», dep oqý oryn­daryn­da jańa tehnologııalarmen bir­ge, ulttyq qundylyqtar júıe­sin jas býynnyń sanasyna sińi­rý parasatty qadam ekendigin túsindire ketedi. Qala men aýyl mektepteri arasyndaǵy bilim berý sapa­synyń alshaqtyǵyn azaıtý qajettigin atap ótken Elbasy álemdik órkenıetke aǵylshyn tili arqyly tóte shyǵýdy meń­zep, basqanyń tiline, aqparatyna baǵynyshty bolmaı, táýelsiz eldiń túlekteri jańasha tań­daý jasaý kerektigin, erkin kóz­qarasta tárbıelený qajettigin paıymdaıdy. Kópten beri aıtylyp júrgen bizdiń oqý júıesindegi bir syńar­jaqtyq jastar arasynda zań­ger, ekonomıst, keden isi, qarjy mamandyqtarynyń dıplomyn alǵan bitirýshiler shamadan mol bolǵandyqtan, jumyssyzdyq qataryn jyldan-jylǵa kóbeıtip keledi. Rasynda, joǵary oqý ornyn bitirgenimen, jumyssyz júr­gen­derdiń qarasy mol-aq. Al qoǵamǵa, kerisinshe, kásip­tik bilim ıeleri – sheber jumys­shylar, daıashylyq qyzmetin jasaýshylar jetispeı jatady jáne bulardyń tabysy da ájeptáýir emes pe?! Jappaı kásipkerlikti qoldaý tetikterin odan ári jetildirý týraly shegelep aıtqan Elbasy «Meniń bastamam boıynsha bıyl «Barshaǵa arnalǵan tegin kásiptik-tehnıkalyq bilim berý» jobasy iske asyryla bas­ta­dy.Tegin oqytýmen eń áýe­li ju­mys­­­syz jáne ózin ózi tıim­siz ju­­myspen qamtyǵan jas­tar, son­daı-aq, kásiptik bilimi joq ere­sek adamdar qamtylýy tıis» dep qo­ǵamymyzdy shıraq qozǵa­ly­sqa engizip, jurtymyzdy isker, sha­rýaqor, óndirýshi elge aınaldy­ratyn alǵyshartty nusqaıdy. Álemdik qoǵamdastyqtan la­ıyq­ty oryn alyp, damyǵan 30 eldiń arasynan kórinýge ońtaı­ly jol ashqan bul Joldaý Ota­ny­myzdyń ósip-órkendeýine, hal­qy­myzdyń baqýatty tirshi­lik keship, Bilge, Tonykók, Asan­qaı­ǵy atamyz armandaǵan Máńgi­lik Elimizdiń mártebesi as­qaq bolýy­na altyn baspaldaq bolary anyq. Nesipbek AITULY, aqyn, Memlekettik syılyqtyń laýreaty