• 09 Naýryz, 2017

Jaýynger jigerin janyǵan

454 ret

kórsetildi

4 mın

oqý úshin

Egemen Qazaqstan

Álbette, Otan qorǵaýshy degende esimizge aldymen er-azamattardyń túsetini belgili. Degenmen, el basyna kún týǵan shaqta qolyna qarý alyp, erlermen birge elin qorǵaǵan arýlar qazaqtyń tarıhynda qashanda kóp bolǵan. Búgingi beıbit kúnde de áskerı qyzmette júrgen arýlarymyz jeterlik. №5517 áskerı bóliminiń tárbıe jáne áleýmettiq-quqyqtyq jumystary jónindegi bólimshe bastyǵynyń kómekshisi – psıholog leıtenant Aınur Halılova da áskerı qyzmetshi. Reseı Federasııasynyń Aleksandr Gaı qalasynda dúnıege kelgen Aınur bala kezinen muǵalim mamandyǵyn meńgerip, shákirtterge ustazdyq etýdi armandap ósti. Sol armanynyń jetegimen Oral qalasyndaǵy M.О́temisuly atyndaǵy Batys Qazaqstan memlekettik ýnıversıtetine oqýǵa tústi. 2005 jyly ýnıversıtetti aıaqtap, pedagog-psıholog mamandyǵy boıynsha dıplom aldy. Alaıda, taǵdyr Aınur Zaqarııanqyzynyń mańdaıyna mektepte emes, áskerde qyzmet etýdi jazypty. – Oral shaharyndaǵy №5517 áskerı bóliminde 2010 jyldan beri qyzmet etemin. Alǵashqy jylda shtattan tys psıholog qyzmetin atqaryp, 2011 jyldyń aqpan aıynan bastap tárbıe jáne áleýmettik-quqyqtyq jumystar jónindegi bólimshe bastyǵynyń kómekshisi-psıholog qyzmetine taǵaıyndaldym. Psıholog – kúrdeli de qyzyqty mamandyq, al áskerde psıholog bolý – eki ese jaýapty is. Etıkalyq normalardy basshylyqqa ala otyryp, árbir áskerı qyzmetiniń jan dúnıesin tereń túsinýiń ári durys keńes bere bilýiń asa mańyzdy. Maǵan óz mamandyǵym erekshe unaıdy, – deıdi Aınur Zaqarııanqyzy. Otbasyn quryp, urpaq tárbıelep otyrǵan A.Halılovanyń atqaryp júrgen qyzmeti atap ótýge laıyq. Bólimdegi sarbazdardyń moraldyq-psıhologııalyq jaǵdaıyn qadaǵalap, turaqtylyǵyna jaýap beredi. Olarǵa áskerı ómirge beıimdelýine kómektesedi.Úırenise almaı júrgenderimen jeke sóılesip, týyndaǵan máselelerdi birge sheshýge shaqyrady. – Árıne, áskerge jańadan shaqyrylǵan jas sarbazdar túrli oblystardan jınalady. Sonymen qatar, olardyń ártúrli áleýmettik toptardyń ókilderi bolyp tabylatyny belgili. Keıbir bozbalalar áskerden buryn óz otbasynan eshqaıda shyqpaǵan bolsa, taǵy bireýleri «kóshe» tártibimen erjetken bolýy múmkin. Olardyń psıhologııalyq jaǵdaılary bir-birine qaıshy keledi. Meniń mindetim – osy minez-qulqy ártúrli sarbazdardy til tabystyrý, – deıdi Aınur Zaqarııanqyzy. A.Halılova ýnıversıtetti bitire sala kirisken áskerı qyzmetinde eńbeqqorlyǵynyń arqasynda qarapaıym qyzmetshiden alǵashqy ofıserlik ataq – leıtenant shenine kóterildi. Basshylyq tarapynan birneshe gramota men alǵys hattarǵa da ıe boldy. Al №5517 áskerı bóliminiń tárbıe jáne áleýmettik jumys jónindegi bólim komandıriniń orynbasary, podpolkovnık Vıacheslav Paktyń aıtýynsha, búginde qoǵamda erlermen teń deńgeıde eńbek etip júrgen qyz-kelinshekter az emes. Aralarynda áskerı shendileri de jeterlik. Atalǵan áskerı bólimde qyzmet etetin Aınur Zaqarııanqyzy syndy qyz-kelinshekter ózderine kórsetilgen senimdi tolyǵymen aqtaýǵa tyrysady. Olar erlermen teń deńgeıde qyzmet atqaryp, kózge túsip júrse kerek. «Arýlarymyzǵa Halyqaralyq áıelder kúni merekesinde ǵana jeńildik jasaımyz. Munda olarǵa syı-qurmet kórsetý dástúrge aınalǵan», – deıdi Vıacheslav Olegovıch. – Talaı ǵasyrdan beri áıelder sezimtaldyqtyń, náziktik pen meıirimdiliktiń tańǵalarlyq qaıtalanbas beınesine aınaldy. Otbasynyń jylýy men jarasymy, týǵan úıdiń tynyshtyǵy, mahabbat pen senim sııaqty baǵa jetpes qundylyqtar Ana esimimen tyǵyz baılanysty. Men de anamyn. Qyzymnyń súıikti mamandyǵyn tańdap, el qatarly azamat bolǵanyn qalaımyn. Eger ol da áskerı mamandyqty tańdap jatsa, bul qalaýyn shyn nıetpen quptaımyn», – deıdi leıtenant A.Halılova. Sóz sońynda aıtarymyz, áskerı bólimde sarbazdar úshin aptanyń bir kúninde arnaıy «Psıholog saǵaty» belgilengen. Psıholog saǵatynda sar- bazdarmen suhbat júrgizilip, týyndaýy múmkin janjaldardyń aldyn alý, ujymdy aýyzbirshilikke jumyldyrý maqsatyndaǵy sharalar oılastyrylady. Erbolat MERSAIYNULY, podpolkovnık ORAL