«Kózimniń qarasy» atty kitaptyń tusaýkeseri ótti

  T.Júrgenov atyndaǵy Qazaq ulttyq óner akademııasynda osy oqý ordasynyń «Kózimniń qarasy» mádenı-tanymdyq klýby men «Qazaqfılm» kıno­stý­dııasynyń uıymdastyrýymen kınorejısser Satybaldy Narymbetovtiń «Kózimniń qarasy» atty kitabynyń tusaýkeseri bolyp ótti. «Kózimniń qarasy» kitaby tek kıno salasynda ǵana emes, kórkem proza janrynda da eńbektenip kele jatqan Qazaqstannyń eńbek sińirgen qaıratkeri, Memlekettik syılyqtyń ıegeri, táýelsiz «Tarlan» jáne Fransýz kınoóner akademııasy Jorj jáne Rıta Sadýl atyndaǵy júldesiniń ıegeri Satybaldy Narymbetovtiń avtorlyq álemin tereńirek asha túsetin týyndy. Budan buryn da rejısser-qalamgerdiń «Tentek» atty kitaby, «Assalaýmaǵaleıkým, At­lan­tı­da!» atty povest, áńgimeler jınaǵy ja­ryq kórgen. Ja­ńa týyndyda jazýshynyń óner ále­mi, áriptesteri tý­raly, qoǵam men rýhanııat jaıly tol­ǵa­mdary, esseleri men estelikteri jáne árip­tes­teriniń avtor týraly oı-tolǵamdary qamtylǵan. О́ner týraly áserli áńgimeler aıtylǵan keshke belgili qoǵam qaıratkerleri, shyǵarmashylyq zııaly qaýym ókilderi, stýdentter qatysty. «Satybaldy Narymbetov – bul qazirgi qazaq kórkemóneriniń bıigin, parasatyn, pálsapasyn aıqyndaıtyn esimderdiń biri. О́neri álemge tanymal, resmı de, beıresmı de moıyndalǵan, ómir ustanymy, ómir salty, jalpy bolmysymen sýretkerlik tabıǵattyń mańyzyn, mánisin asha túsetin tulǵa», deıdi kitaptyń alǵysózin jazǵan belgili synshy, mádenıettanýshy, Qazaqstannyń eńbek sińirgen qaıratkeri Álııa Bópejanova. Aıgúl AHANBAIQYZY, «Egemen Qazaqstan» ALMATY