Qazaqtyń oıý-órnegi ISESKO-nyń muralar tizimine endi

50 ret

kórsetildi

1 mın

oqý úshin

Qazaqtyń dástúrli oıý-órnegi ıslam áleminiń mádenı qazynasy retinde halyqaralyq deńgeıde moıyndaldy. 11 aqpanda ótken ISESKO Islam álemi muralary komıtetiniń 13-sessııasynda ulttyq oıý-órnekti bedeldi tizimge engizý týraly sheshim qabyldandy. Qýanyshty habardy Memlekettik keńesshi Erlan Qarın súıinshiledi, dep jazady Egemen.kz.

Abzal MAQASh

Qazaqtyń oıý-órnegi ISESKO-nyń muralar tizimine endi

«Oıý-órnek mádenı biregeıligimiz ben tarıhı sabaqtastyǵymyzdy nyǵaıtýǵa yqpal etetin negizgi etnomádenı kod. Onyń ISESKO-nyń bedeldi tizimine enýi Qazaqstannyń materıaldyq emes mádenı murasyn halyqaralyq deńgeıde ilgeriletýdegi mańyzdy qadam sanalady», dedi Erlan Qarın.

Aıta keteıik, buǵan deıin 2023 jyly ISESKO tizimine túrki órkenıetiniń basty nyshandarynyń birine aınalǵan dástúrli «Toǵyzqumalaq» oıyny engizilgen edi. Bul úrdis Qazaqstannyń baı rýhanı murasyn álemge tanytýdaǵy júıeli jumystyń jalǵasy ekenin ańǵartady.

Erlan Qarın: Kıiz úı dástúriniń IýNESKO tiziminde keńeıýi Ortalyq Azııa murasynyń ortaq ekenin aıǵaqtaıdy

Prezıdenttiń Ulttyq quryltaı otyrystarynda bergen tapsyrmalaryna sáıkes, elimizdiń mádenı mura nysandaryn IýNESKO jáne ISESKO tizimderine engizý baǵytyndaǵy jumys aldaǵy ýaqytta da jalǵasady.