AQSh prezıdenti Donald Tramp bir jyldyq jalaqysyn tolyǵymen qaıyrymdylyqqa beredi, dep habarlady Aq úıdiń ókili Shon Spaıser. Bul týraly VVS jazdy. Onyń aıtýynsha, Tramptyń bir jyldyq eńbekaqysy 400 myń dollardy qamtıdy. Biraq ázirge onyń qarajaty qandaı maqsatta jumsalatyny belgisiz.
Esterińizge sala ketsek, saılaý barysynda Tramp prezıdent jalaqysynan bas tartatynyn aıtqan bolatyn. Zań boıynsha ol 1 dollar jalaqyǵa eńbek etetinin málimdedi. Sonymen qatar Donald Tramp bıznes karerasynda eshqashan qaıyrymdylyqqa qarajat bólmegeni úshin synǵa ushyraǵan bolatyn. Al Forbes jýrnalynyń 2016 jylǵy reıtınginde Tramptyń baılyǵy 3,7 mlrd dollarǵa baǵalanǵan.
AQSh-tyń burynǵy prezıdentteriniń ishinde Gerbert Gýver men Djon Kennedı óz eńbekaqylaryn qaıyrymdylyqqa bergen bolatyn.
