Nysandar quny bir sharshy metrine 0,1 AEK nemese bıylǵy jylǵa belgilengen mólsherge sáıkes 432,5 teń jeńildetilgen shartpen jalǵa berilgen. Bul naryqtyq baǵadan aıtarlyqtaı tómen. Kommersııalyq nysandar «Almaty» ÁKK resmı saıtynda jarııalanatyn ashyq baıqaý arqyly, qolaıly oryndar paıda bolǵan saıyn usynylady.
Baıqaýǵa áleýmettik kásipkerlik salasynda jumys isteıtin kásipkerler qatysa alady. Inklıýzııa, densaýlyq saqtaý jáne bilim berý baǵytyndaǵy jobalarǵa basymdyq beriledi. Baıqaý jeńimpazymen jaldaý sharty úsh jylǵa deıingi merzimge, uzartý múmkindigimen jáne satyp alý quqyǵynsyz rásimdeledi.
Sonymen qatar, úsh aıǵa deıin jaldaý aqysy alynbaıtyn jeńildik kezeńi qarastyrylǵan. Osy tetik aıasynda erekshe qajettiligi bar jandarǵa arnalǵan beıimdeý jáne ońaltý ortalyqtary ashylyp, erekshe bilim berý qajettiligi bar balalarǵa logopedııalyq, defektologııalyq, sensorlyq jáne neıropsıhologııalyq baǵyttaǵy sabaqtar uıymdastyrylǵan.
Sondaı-aq, áıelderge, jasóspirimderge jáne zeınet jasyndaǵy azamattarǵa arnalǵan shyǵarmashylyq sheberhanalar men úıirmeler jumys istep tur.
Mundaı jobalardy qoldaý turaqty jumys oryndaryn ashýǵa jáne áleýmettik osal toptardy ekonomıkalyq belsendilikke tartýǵa yqpal etip otyr. Máselen, jobalardyń biri aıasynda tigin óndirisi iske qosylyp, áleýmettik osal toptaǵy áıelder jumyspen qamtyldy. Bul olardyń áleýmettik beıimdelýine jáne tabysyn arttyrýǵa múmkindik berdi. Atalǵan áriptestik nátıjesinde «Almaty» ÁKK men áleýmettik kásipkerlerdiń seriktestigi arqyly qalada jalpy sany 217 jańa jumys orny ashyldy.
Eńbek naryǵyndaǵy sáıkessizdik: Bos jumys orny kóp pe álde jumyssyzdar ma?
