foto: QTJ
Taraptar 2025 jyly júk tasymaly kóleminiń turaqty ósimin atap ótip, 2026 jyly bul kórsetkishti odan ári arttyrýǵa ýaǵdalasty. Ásirese, memleketaralyq shekaralyq ótkelder arqyly poıyzdardy kóbirek almastyrý josparlanyp otyr.
Kelissózderde negizgi baǵyttar boıynsha konteınerlik tasymaldy damytýǵa erekshe mán berildi. Olar: Transkaspıı halyqaralyq kólik baǵyty (TMTM), «Qytaı – Eýropa», «Qytaı – Ortalyq Azııa» jáne «Qytaı – Reseı» baǵyttary.
Naýryz merekesine oraı ulttyq naqyshta bezendirilgen poıyzdar jolǵa shyqty
Tranzıttik áleýetti kúsheıtý úshin taraptar konteınerlik poıyzdar sanyn arttyrýǵa, tasymaldy basqarý men josparlaýda sıfrlandyrýdy tereńdetýge, aqparat almasýdy aldyn ala júrgizýge kelisti.
Sonymen qatar, ınfraqurylymdy damytý máseleleri de qarastyryldy. Atap aıtqanda, «Alashankoý – Dostyq» ýchaskesinde ekinshi temirjol jelisin salý, termınaldyq qýattardy keńeıtý, «Altynkól – Qorǵas» jáne «Qorǵas – Szınhe» baǵyttaryn jańǵyrtý.
Kún tártibinde «Baqty – Tachen» úshinshi transshekaralyq temirjol ótkelin iske asyrý jobasy da boldy. Bul joba boıynsha júk kólemi men tasymal túrleri anyqtalmaq.
Budan bólek, mádenı baılanystardy nyǵaıtý maqsatynda Qytaıdan Qazaqstan qalalary men Ortalyq Azııa elderine týrıstik poıyzdy iske qosý múmkindigi talqylandy.
