foto: ashyq derekkóz
Atalǵan is QR Qylmystyq kodeksiniń 345-baby 4-bóligi boıynsha tergelip jatyr. Bul bap jol qozǵalysy erejelerin buzyp, abaısyzda eki nemese odan da kóp adamnyń ólimine ákelgen jaǵdaılarǵa qatysty. Kináli adamǵa 10 jylǵa deıin bas bostandyǵynan aıyrý jazasy qarastyrylǵan.
Oqıǵa tańǵy saǵat 03:30 shamasynda bolǵan. Aldyn ala málimet boıynsha, batys baǵytta kele jatqan Zeekr kóligi joǵary jyldamdyqpen qarsy jolaqqa shyǵyp ketip, shyǵys baǵytta qozǵalyp kele jatqan Mercedes-Benz avtokóligimen soqtyǵysqan.
Jol apaty saldarynan Mercedes kóliginiń júrgizýshisi men 22 jáne 20 jastaǵy eki jolaýshy qyz oqıǵa ornynda kóz jumdy. Al Zeekr júrgizýshisi aman qalyp, jaraqatpen aýrýhanaǵa jetkizildi.
Qazirgi ýaqytta kúdikti polısııa kúzetimen medısınalyq mekemede jatyr. Jaǵdaıy turaqtalǵan soń, ony ýaqytsha ustaý ızolıatoryna qamaý josparlanyp otyr.
Polısııanyń málimetinshe, oqıǵaǵa qatysy bar barlyq tulǵalar anyqtalǵan. Olarǵa qatysty ákimshilik is júrgizilip, materıaldar sotqa joldandy. Kólikter arnaıy aıyp turaǵyna qoıylǵan.
Sonymen qatar, júrgizýshiniń alkogol qoldanǵan-qoldanbaǵanyn anyqtaý úshin medısınalyq saraptama taǵaıyndaldy. Nátıjeleri keıin habarlanady.
Aqtóbe oblysynda jol apatynan júrgizýshi men tórt jolaýshy qaza tapty
Tergeý barysynda barlyq beınebaqylaý kameralarynyń jazbalary, sonyń ishinde jeke kameralardan alynǵan materıaldar da tárkilenip, is materıaldaryna qosylǵan.
Polısııa ókilderi: «Barlyq kináliler zań aldynda jaýap beredi. Azamattardan tek resmı aqparatqa senip, jalǵan málimet taratpaýyn suraımyz», dep málimdedi.
Qazirgi ýaqytta bul is Almaty polısııa departamentiniń erekshe baqylaýynda.
