Úkimettiń málimetinshe, 2030 jylǵa deıin eldiń energetıkalyq ınfraqurylymy jańartylyp, keńeıtiledi. Jańa jáne jańǵyrtylatyn nysandardyń jalpy qýaty 7,8 GVt bolady.
Negizgi qurylys oryndary:
- Ekibastuz
- Kýrchatov
- Jezqazǵan
- Kókshetaý
- Semeı
- О́skemen
Sonymen qatar, 11 jumys istep turǵan stansııa jańǵyrtylady. Sonyń ishinde Aqsý jáne Ekibastuz GRES-teri, Qaraǵandy energetıkalyq toraptary bar. Bul sharalar jabdyqtardyń tozýyn shamamen 12,6%-ǵa azaıtyp, júıeniń senimdiligin arttyrady.
Qazaqstanda «Naýryz» ıpotekasyna ótinim qabyldaý ýaqytsha toqtatylady
Joba bıýdjetten tys qarajat esebinen, ınvestorlardy tartý arqyly júzege asady. Jalpy ınvestısııa kólemi keminde 7,5 trln teńgeni quraıdy. Negizgi maqsat – elde elektr energııasyna ósip jatqan suranysty turaqty túrde qamtamasyz etý.
Jańa stansııalar «taza kómir» tehnologııasymen salynady. Bul zııandy shyǵaryndylardy azaıtyp, qorshaǵan ortaǵa áserin tómendetedi.
Joba aıasynda 4,5 myńǵa jýyq jańa jumys orny ashylady. Sala qyzmetkerlerine arnaıy jeńildetilgen ıpoteka usynylady. Bul baǵdarlama «Otbasy bank» arqyly júzege asady. Iаǵnı, kómir elektr stansııalarynda jumys isteıtin azamattar turǵyn úıdi tıimdi sharttarmen satyp ala alady.
Sonymen qatar, mamandardy daıarlaý men biliktiligin arttyrý da qarastyrylǵan.
Ipotekamen úı alatyndar úshin notarıýs aqysy 3 ese arzandady
Joba kómir óndirý jáne tasymaldaý júıesimen birge damıdy. 2030 jylǵa qaraı kómirge suranys jylyna 20 mln tonnaǵa artady dep kútiledi. Osyǵan baılanysty temirjol ınfraqurylymy jańartylyp, júk vagondary kóbeıtiledi.
