Jýkov: Alańnyń ortalyq bóliginde oınaǵym keledi

«Qaıratqa» jaqynda ǵana qosylǵan jartylaı qorǵaýshy Georgıı Jýkov «Oqjetpeske» qarsy oıyn jáne komandadaǵy óziniń orny týraly pikir bildirdi. «Oqjetpeske» qarsy matchta alańnyń sol qaptalynda oınadym. Bul jerde buryn oınap kórmegendikten, ózimdi jaısyz sezingenim ras. Ádette men ortalyq jartylaı qorǵanysqa jaýapty bolatynmyn. О́zimdi bul joly jaqsy qyrymnan kórsete almaǵanym anyq. Biraq bapkerim neni mindettese, sony oryndaýǵa tıistimin», – dedi Georgıı Jýkov. О́tken týrda Jýkovtyń ornyna alańǵa Oıbek Baltabaev shyqqan bolatyn. «Jattyqtyrýshylar bul týraly maǵan eshnárse aıtpady. Shamasy, olar meniń ortalyq jartylaı qorǵaýshy ekenimdi bilmeıtin sekildi. «Astanada» júrgenimde alańnyń ortalyq bóliginde oınaıtynmyn. Almatyda bári basqasha. Bapkerlerimniń mundaı sheshimi maǵan unamaıtynyn aıtqym keledi», – dedi ol. «Biraq jattyqtyrýshymmen sózge kelgen emespin. Ol sheshim qabyldaıdy, men oryndaýym qajet. Qolymnan kelgenshe tyrysyp júrmin», – dedi Jýkov. Ishki birinshiliktiń bastapqy eki týrynan keıin Qazaqstan ulttyq quramasynyń oıyndaryna shaqyrtý alǵandar Talǵarda bas qosady. Qazaqstan sapynda oınaýdan bas tartqan Georgıı birer aı buryn bul usynysty qabyl alýǵa daıyn ekenin málimdegen-di. «Maǵan ulttyq quramada oınaý jóninde usynys keldi. Oılanbastan qabyl aldym. Endi Talǵardaǵy jıynǵa attanamyz. Qazaqstan quramasynyń oıyndaryn asyǵa kútip júrmin. Bul matchtar tartysty ótetini sózsiz. Negizgi qurammen shyǵý úshin, komandamnyń jeńiske jetýi úshin bar kúshimdi salamyn. Fızıkalyq turǵydan da, psıhologııalyq jaǵynan da bárine daıynmyn», – dedi «Qaırat» oıynshysy.