Qazaqstanda 10 jylda ana ólimi 3,5 esege azaıdy

Qazaqstan Respýblıkasy densaýlyq saqtaý salasyn damytýdyń 2016-2019 jyldarǵa arnalǵan «Densaýlyq» memlekettik baǵdarlamasyn iske asyrý arqasynda Qazaqstanda negizgi medısınalyq-demografıkalyq kórsetkishterdiń oń serpini baıqalǵan. Bul týraly QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysy barysynda densaýlyq saqtaý mınıstri Eljan Birtanov aıtty, dep jazady primeminister.kz. Mınıstrdiń aıtýynsha, Qazaqstandaǵy densaýlyq saqtaýdyń negizgi kórsetkishteri oń serpinge ıe. Sońǵy on jylda ómir súrý uzaqtyǵy 72 jasqa deıin uzardy. Ana ólimi 10 jyldyń ishinde 3,5 esege azaıdy, qaterli óskinderden aýyrý men ólim kórsetkishteri 2015 jylmen salystyrǵanda tómendedi. Jaraqattar men ýlanýdan ólim deńgeıi on jyldyń ishinde eki esege tómendegen, degenmen qazirgi tańda ol EYDU elderimen salystyrǵanda burynǵysynsha joǵary deńgeıde saqtalýda. Esterińizge sala ketsek, densaýlyq saqtaýdaǵy EYDU standarttaryna qol jetkizý úshin 2016 jyly Qazaqstanda Densaýlyq saqtaý salasyn damytýdyń 2016-2019 jyldarǵa arnalǵan «Densaýlyq» memlekettik baǵdarlamasyn iske asyrý jumystary bastalǵan bolatyn.