Kommýnaldy qyzmet tóleminiń jańa túri paıda boldy

Naýryzdan bastap kommýnaldy qyzmet tólemderiniń qataryna "Jyljymaıtyn múlikti saqtandyrý" degen sanat endi. Oǵan ár jyljymaıtyn múlik ıesi 95 nemese 295 teńge kóleminde tólem tóleıdi, dep jazady krisha.kz. "Saqtandyrý kompanııalarynyń biri bizge kelip osyndaı tólem túrin engizýdi usyndy. Bul týraly barlyq málimetter kvıtansııada jazylǵan. Bizdiń oıymyzsha, bul tólem túri qazir turǵyndarǵa qajet. Máselen, kórshilerdiń birinen aqqan sý ekinshisiniń tóbesine nemese qabyrǵasyna zaqym keltirgende páter ıeleri sottasyp jatady. Al jańa qyzmet túrleri arqyly saqtandyrý kompanııalary zaqymdy jaýyp bermek", - deıdi "IVS" JShS dırektory Valentına Reznıkova. Aıta keterligi, bul tólem túri erikti, májbúrli emes. Aı saıyn osy saqtandyrýǵa 95 teńge tólegen menshik ıesi sý aqqan kezde nemese órt bolǵanda saqtandyrý kompanııasynan 50 myń, al 295 myń teńge tólegender 150 myń teńge ótemaqy ala alady. Bir eskererligi, órt pen sýdyń tógilýine kimniń kináli ekeni bul jerde mańyzdy emes. Bastysy, oqıǵa bolǵannan keıin úsh kún ishinde saqtandyrý kompanııasyna úıdiń qujattaryn ala baryp aryz jazý kerek. Odan keıin keltirilgen zaqymnyń quny esepteledi. Munda tek úıdiń tóbesi, qabyrǵa men edenge keltirilgen shyǵyn esepke alynady. Jıhaz ben tehnıka shyǵyny eseptelmeıdi. Saqtandyrý kompanııasy odan keıin on kún ishinde ótemaqyny aýdarady. Taǵy bir aıta keterligi, mundaı saqtandyrý tek Almaty qalasynda ǵana engizildi.