2017 jyldyń aqpan aıynda jergilikti atqarýshy organdar 476 jumys berýshige sheteldik jumys kúshin tartý maqsatynda 2063 ruqsat berip, olar 436,9 mln teńge kóleminde salyq tólemin jasady, dep habarlady QR Eńbek jáne halyqty áleýmettik qorǵaý mınıstrliginiń baspasóz qyzmeti.
Atalǵan ruqsattama qujattardy tikeleı jergilikti atqarýshy organdardan nemese «elektrondyq úkimet» portalynyń «biryńǵaı terezesinen» alýǵa bolady.
Eske sala ketsek, 2017 jyldyń 1 qańtarynan bastap, Qazaqstan Respýblıkasyna sheteldik jumys kúshin tartýdyń jańa jeńildetilgen tártibiniń engizilýine baılanysty jumys isteý ruqsattaryn berý merzimi qysqartyldy jáne jumys berýshilerge qatysty ákimshilik talaptar alynyp tastaldy.
Bul erekshe sharttardyń ornyna jumys berýshi jergilikti bıýdjetke tóleıtin jańa salyq alymy engizildi. Alym mólsherlemesi sheteldik jumys kúshiniń sanaty men salasyna qaraı 137 AEK-ten 250 AEK-ke deıingi shamada belgilenedi, bul 290 myń men 530 myń teńge aralyǵy.
Atalǵan rette jumys berýshilerge qoıylatyn mamandardyń jergilikti qamtylym jónindegi sharttardy saqtaý talaptary ózgermeıdi, ıaǵnı basshylar men olardyń orynbasarlary boıynsha keminde – 70%, al mamandar men bilikti jumysshylar boıynsha keminde – 90%.
