Darhan Myńbaı Qazaqstan halqy Assambleıasy Tóraǵasynyń orynbasary qyzmetine taǵaıyndaldy, - dep habarlaıdy Aqordanyń resmı saıty.
"Memleket basshysynyń О́kimimen Darhan Qamzabekuly Myńbaı Qazaqstan halqy Assambleıasy Tóraǵasynyń orynbasary, Qazaqstan Respýblıkasy Prezıdenti Ákimshiliginiń Qazaqstan halqy Assambleıasy hatshylyǵynyń meńgerýshisi qyzmetine taǵaıyndaldy, ol Qazaqstan Respýblıkasynyń Ulttyq murajaıynyń dırektory qyzmetinen bosatyldy", - delingen Aqordanyń saıtynda.
Darhan Qamzabekuly Myńbaı - 1962 jyly 26 qańtarda Ońtústik Qazaqstan oblysynda dúnıege kelgen.
1985 jyly M.V.Lomonosov atyndaǵy Máskeý memlekettik ýnıversıtetin támamdaǵan, jýrnalıst.
1985-1990 jyldary KSR Mınıstrler Keńesi janyndaǵy Aqparattyq agenttiktiń (QazTAG) redaktory, aǵa redaktory, aǵa ádebı baqylaýshy redaktory.
1990-1994 jyldary Qazaqstan Respýblıkasy Joǵarǵy Keńesiniń apparatynda aǵa konsýltant, aǵa referent. 1994-1996 jyldary "О́rken-Gorızont" respýblıkalyq gazetteriniń bas redaktory.
1996-1997 jyldary "Qazaqstannyń televıdenıesi men radıosy" respýblıkalyq korporasııasynyń vıse-prezıdenti.
1997-2002 jyldary Ońtústik Qazaqstan oblysy ákiminiń orynbasary.
2002-2004 jyldary Ońtústik Qazaqstan oblysy Ishki saıasat jáne jastar isi jónindegi departamentiniń bastyǵy.
2004-2006 jyldary Ońtústik Qazaqstan oblysyndaǵy Túlkibas aýdanynyń ákimi.
2006-2008 jyldary Ońtústik Qazaqstan oblysy ákiminiń orynbasary.
2008 jylǵy sáýirden 2008 jylǵy qarashaǵa deıin Qazaqstan Respýblıkasy mádenıet jáne aqparat vıse-mınıstri.
2008 jylǵy qarashada Qazaqstan Respýblıkasy Prezıdenti Ákimshiligi Ishki saıasat bóliminiń meńgerýshisi. 2012 jyldyń qańtar aıynda Qazaqstan Respýblıkasynyń Mádenıet jáne aqparat mınıstri.
2013 jyldan bastap QR Ulttyq murajaıynyń dırektory qyzmetinde boldy.
