Ortalyq kommýnıkasııalar qyzmetinde ınternette otyratyn balalardyń qaýipsizdigine arnalǵan brıfıng ótti.
Oǵan Adam quqyǵy jónindegi Ulttyq ortalyqtyń basshysy Serik Ospanov, Bilim jáne ǵylym mınıstrligi Balalar quqyqtaryn qorǵaý komıteti tóraǵasynyń orynbasary Erjan Ersaıynov pen Aqparat jáne kommýnıkasııalar mınıstrliginiń Baılanys, aqparattandyrý jáne buqaralyq aqparat quraldary salasyndaǵy memlekettik baqylaý komıteti tóraǵasynyń orynbasary Mıhaıl Komıssarov qatysty.
Brıfıngte áýeli balalardyń qaýipsizdigi týraly Serik Ospanov aıtyp berdi. Ol byltyr Ombýdsmenniń atyna balalardyń quqyqtarynyń buzylýyna qatysty 81 aryz kelip túskenin, olardyń deni zorlyq-zombylyq, alımentterdi óndirý, túrli járdemaqylardy tóleý, múgedektikti belgileý, balalardy ınstıtýttyq mekemelerge ornalastyrýdyń zańdylyǵy, bilim berý mekemeleriniń qyzmet etýi jáne basqa da máselelerge qatysty bolǵanyn, al balalardyń ózderinen 3 aryzdyń ǵana túskenin aıtty.
– Osyǵan baılanysty, – dedi ol – ótken jyly Ombýdsmenniń tapsyrmasy boıynsha apparat qyzmetkerleri jetim jáne ata-ananyń qamqorlyǵynsyz qalǵan balalarǵa arnalǵan mekemelerge monıtorıng júrgizdi. Qazirgi kezde ınternet adamnyń ómirine jaman jaǵymen de kesirin tıgizip jatyr. Osy jaǵdaıdy eskerip, memlekettik organdar tarapynan birqatar júıeli jumystar jasalyp keledi. Alaıda bizge áli qol qýsyryp otyrýǵa bolmaıdy. Endi adam elimizde ınternet, telearna, basqa da tehnologııalar arqyly balanyń ómirine qaýip tónidiretin nárseler jasasa, zań júzinde jaýapqa tartylady.
Jıynda Bilim jáne ǵylym mınıstrliginiń ókili vedomstvo tarapynan atqarylyp jatqan jumystar týraly aıtty. Ol balanyń qaýipsizdigi, onyń bos ýaqytyn tıimdi ótkizý úshin tıisti sharalardyń istelinip jatqanyn, bilim berý uıymdary prokýratýra jáne ata-analar qoǵamdastyǵymen birigip, balalardyń tártibi men bos ýaqytyn baqylaýdy kúsheıtý boıynsha únemi túsindirý jumystaryn júrgizip otyratynyn jetkizdi.
– Osy jumystyń nátıjesinde balanyń ómirine keri áserin tıgizetin áleýmettik jelini belsendi paıdalanýshylar anyqtaldy. Qazir biz osy baǵytta tıisti organdarmen naqtyly jumys istep jatyrmyz. Bilim jáne ǵylym mınıstriliginiń bastamasymen 10 – 21 sáýir aralyǵynda bilim berý uıymdarynda dástúrli «Qaýipsizdik ınternet» respýblıkalyq aqparattyq kampanııasy ótedi. Balalardyń quqyqtary men zańdy múddesin qorǵaý máseleleri boıynsha mınıstrliktiń Balalardyń quqyqtaryn qorǵaý komıtetiniń 8 7172 74 25 28 senim telefonyna habarlasýǵa bolady, – dedi ol.
Al Aqparat jáne kommýnıkasııalar mınıstrliginiń ókili keltirgen derekterge qaraǵanda, byltyr ýákiletti organmen júrgizilgen eskertý jumystarynyń negizinde ınternet-resýrstar ákimshilikterimen 110 myńnan astam quqyqqa qarsy materıaldar joıylǵan. 1148 quqyqqa qarsy materıaldarǵa qatysty 144 sot organdarynyń sheshimderi oryndaldy.
О́tken jyly qatygezdikti, zorlyq-zombylyqqa bas urýdy jáne pornografııany nasıhattaıtyn 26 081 materıaldarǵa qoljetimdilikti shekteý boıynsha sharalar qoldanyldy.
Jyldyń basynan Aqparat jáne kommýnıkasııalar mınıstrliginiń talaptary boıynsha áleýmettik jelilerde ornalasqan sýısıdtik minezdegi 237 qoǵamdastyqtar men toptar jabylǵan.
Dastan Kenjalın, «Egemen Qazaqstan»
