Endigi jerde «Qazaqfılm» kınostýdııasynda «Eń sulý qyz» atty kórkem fılmniń túsirilim aldyndaǵy jumystary bastaldy. Bul kartına – rejısser Qanaǵat Mustafınniń «16 qyz» komedııalyq fılminiń jalǵasy. О́tken jyly «16 qyz» fılmi prokatta eń tabysty kartınalar qatarynan tabylǵan-dy.
Jańa fılmdi Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdııasy «Kanaidarproduction» jáne «Sheshenfılm» stýdııalary túsiretin bolady.
Fılmniń sıýjeti súr boıdaq Samatty dostarynyń úılendirmekshi bolǵan shyrǵalańyna qurylady. Qalyńdyq izdep úlken qalaǵa kelgen jigitter shym-shytyryq oqıǵalarǵa urynady.
Qazirgi tańda túsirý toby rekvızıtter daıyndap, kostıýmder men lokasııa tańdaý ústinde. Sondaı-aq, jýyq arada túsirý toby qosalqy rólderge kastıng jarııalamaq.
Fılmniń prodıýseri Aıdarhan Ádilbaev túsirý toby alǵashqy «16 qyz» komandasynan qalǵanyn aıtady.
– Bul top rejıssermen jumys istep, til tabysyp úlgerdi. Esterińizde bolsa, «16 qyzda» birinshi planda Berik Aıtjanov aıdaǵan volga «GAZ-21» kóligi edi, bul joly Mın dáýiriniń kóne qumyrasy bolmaq. Bul fılmde kórermenderdi ótkir ázilder jáne tartymdy oqıǵalarmen baıytýǵa tyrystyq».
Qysqasy, jańa komedııada da kórermender burynǵydaı Berik Aıtjanov, Asha Mataı, Qýanysh Doldaev, Ǵanı Quljanov, Saıat Merekenov jáne Dáýren Aıdarqulov syndy akterlarmen qaýyshady. Jańa kartınaǵa qosylǵan jańa keıipkerlerdi Qarlyǵash Muhametjanova, Murat Bısenbın, Janna Qýanysheva, Farhat Abdraıymov, Asan Májıt pen Erbolat Toǵyzaqov somdaıdy.
Aınash Esalı,
«Egemen Qazaqstan»
ALMATY
