Astana ýaqytymen saǵat 23:55-ten bastap básekeniń tusaýkeser keshin elimizdiń 4 telearnasy − Qazaqstan, Qazsport, «Habar» jáne Jibek Joly tikeleı efırde kórsetedi.
Ulttyq quramalar sherýinde Memlekettik týdy Denıs Nıkısha (short-trek) men Aıaýlym Ámrenova (frıstaıl-mogýl) ustap shyǵady.
Qysqy Olımpıada oıyndary: Ulandyq sportshylar el namysyn qorǵaıdy
Aıta keteıik, ashylý rásimi 4 lokasııada qatar ótedi. Denıs Mılan qalasynda, al Aıaýlym shańǵy jarystary ótetin Lıvıno kommýnasyndaǵy rásimde bolady. Saltanatty keshtiń taqyryby Armonia (ıtalıan tilinen aýdarǵanda «garmonııa», «úılesim») dep atalady.
Sondaı-aq bıyl Olımpıada alaýy alǵash ret 2 tusta tutanady. Olar: Mılandaǵy saltanat qaqpasy men Kortına-d’Ampessodaǵy Pıassa Dı-bona alańy.
Barlyǵy Mılan-Kortına Olımpıadasynda el namysyn 10 dıssıplınada 36 sportshy (18 er, 18 áıel) qorǵaıdy. Jalpy dodaǵa 93 memleketten 3000-ǵa jýyq atlet qatysady. Olar 16 baǵdarlamada 116 medal jıyntyǵyn sarapqa salady. Olımpıada 22 aqpanda máresine jetedi. Ulttyq qurama sportshylary qatysatyn barlyq saıysty Qazaqstan, Qazsport, «Habar» jáne Jibek Joly tikeleı efırde kórsetedi.
