Dárigerler keńesiniń sheshimi boıynsha ana kesar tiligi arqyly bosanǵan. Ota sátti aıaqtalyp, búginde ana men balanyń jaǵdaıy qanaǵattanarlyq deńgeıde dárigerlerdiń baqylaýyna alynǵan.
Jergilikti jurt «Qajymuqan atamyzdyń izbasary keldi» dep súıinshilep jatqan osy oqıǵamen sáıkes kelgen jaǵymdy jańalyqty jetkize ketelik. Ordabasy aýdanyna qarasty Temirlan aýylynda 200 oryndyq perınataldyq ortalyq qurylysy bastaldy. Oblys ákimi Nuralhan Kósherov nysannyń kapsýlasyn salý rásimin ótkizip, qurylys jumystarynyń barysymen tanysty.
«Bul medısınalyq mekeme bolashaqta Ordabasy, Báıdibek, Saıram, Túlkibas aýdandary men Arys qalasynyń turǵyndaryna qyzmet etedi. Osy aımaqtardyń turǵyndary endi oblys ortalyǵyna sabylmaı, Temirlanda qajetti emdi qabyldaıdy. О́ıtkeni, jańa perınataldyq ortalyq júkti áıelder men nárestelerge joǵary deńgeıdegi zamanaýı medısınalyq kómek kórsetedi. Bul – ana men bala densaýlyǵyn saqtap, demografııany jaqsartýǵa serpin beretin mańyzdy bastama», dedi Nuralhan Kósherov.
Perınataldyq ortalyq ǵımaratynyń jalpy alańy 34 233,30 sharshy metr bolsa, qurylys júrgiziletin jer teliminiń jalpy aýmaǵy – 8 gektar.
