Sportty damytý baǵdarlamasy aıasynda SО́S nasıhattaýdy aqparattyq qoldaýdy jáne BAQ, sonymen qatar Internet keńistiktegi aqparattar kólemin ulǵaıtý; jylyna ótetin sporttyq-buqaralyq sharalardy kóbeıtý; sporttyq oıyn túrleri (fýtbol, basketbol, hokkeı, voleıbol jáne t.b.) boıynsha mektep, stýdenttik, áýesqoı lıgalar uıymdastyrý; jalpy bilim berý mektepteri oqytýshylarynyń seksııalyq jumystaryn tóleýge qosymsha (100 mln. teńge) bólý; elordanyń shetki aýmaqtaryn buqaralyq sportpen qamtý úshin eń kemi 10 shaǵyn áleýetti (táýligine 500 kirý) standartty jabyq sport nysanyn salý; turǵyn alaptary men saıabaq aýmaqtarynda ashyq (jazyq) sport ǵımarattaryn salý jáne qaıta qalpyna keltirý sııaqty mindetterdi iske asyrý qarastyrylǵan.
Basqarma basshysynyń aıtýynsha, búginde Astananyń sporttyq ınfraqurylymy 649 sport nysanynan, ásirese, aýla alańdarynan (281 birlik) turady. Barlyq aýlalar men halyqtyń buqaralyq demalys oryndarynda sport qurylǵylary, oıyn jáne balalar alańdary bar.
Aıta keteıik, 2016 jyly Astanada qala turǵyndary men qonaqtary arasynda 567 sporttyq-buqaralyq shara ótkizildi. Olardyń kóbi dástúrli jarystarǵa aınaldy.
