Foto: Lada.kz
Lada.kz -tiń jazýynsha órt 6 aqpan kúni tańerteń 29A shaǵynaýdanynda ornalasqan tehnıkalyq qyzmet kórsetý ortalyǵynda bolǵan. О́rt sóndirý bólimshesine deıingi qashyqtyq shamamen 4 shaqyrymdy quraıdy.
О́rt kezinde eki garaj boksy tolyǵymen órtke oranǵan. Eki adam termııalyq kúıik alyp, oblystyq aýrýhanaǵa jetkizildi. Ǵımarat ishinde úsh avtokólik zaqymdanǵan: Mercedes-Benz kóliginiń qozǵaltqysh bóligi men salony janyp ketken, sondaı-aq Mercedes-Benz GL 460 pen Toyota Alphard tolyqtaı órtengen. Budan bólek, syrtta turǵan Mazda 626 jáne Toyota Corolla avtokólikteri de zaqymdandy.
О́rttiń jalpy aýmaǵy 150 sharshy metrdi qurady, al tehnıkalyq qyzmet kórsetý ortalyǵy ǵımaratynyń jalpy aýdany – 600 sharshy metr.
Zardap shekkenderdiń biri – 1993 jyly týǵan, О́zbekstan azamaty. Oǵan basy, beti, tynys alý joldary, moıny, eki qoly men aıaǵy, keýde tusy, ishi jáne arqasy kúıgen degen dıagnoz qoıylǵan. Dene betiniń zaqymdaný kólemi shamamen 90 paıyzdy quraıdy.
Ekinshi zardap shekken adam da ortalyq qyzmetkeri. Onyń bas terisi, betiniń eki jaǵy, eki qulaǵy, keýdesiniń sol jaq bóligi, eki qoly, eki sanynyń aldyńǵy-ortańǵy bóligi jáne eki tabany jalynnan kúıgen. Zaqymdaný kólemi 25-30 paıyz, kúıik dárejesi – II–III AB. Sonymen qatar joǵarǵy tynys alý joldarynyń ıngalıasııalyq termııalyq kúıigi anyqtalǵan.
Eki naýqastyń da jaǵdaıy aýyr dep baǵalanyp otyr. Olar emhanaǵa jatqyzylyp, ókpeni jasandy jeldetý apparatyna qosylǵan.
О́rt 09:21-de oqshaýlanyp, 10:43-te tolyqtaı sóndirildi. О́rttiń shyǵý sebebi anyqtalyp jatyr.
О́rtti sóndirýge 23 TJ qyzmetkeri men 4 tehnıka birligi, polısııa departamentinen 8 qyzmetker men 4 tehnıka, sondaı-aq Apattar medısınasy ortalyǵynan 4 qyzmetker men 1 tehnıka tartyldy.
