Keńeıtilgen otyrystyń negizgi maqsaty – Konstıtýsııalyq reformalar jónindegi komıssııa usynǵan jańa Konstıtýsııa jobasyn talqylaý jáne partııanyń ıdeologııalyq bastamalaryn óńir kóleminde keńinen túsindirý boldy.
«Halyq – bıliktiń birden-bir bastaýy. Konstıtýsııalyq jańǵyrý – el damýynyń jańa kezeńine bastaıtyn mańyzdy qadam», dedi jıyndy ashqan óńirlik fılıal tóraǵasy Sadyq Mustafa.
Otyrys barysynda «Aýyl» partııasy tóraǵasynyń orynbasary Qýanysh Seıtjanov jańa Konstıtýsııa jobasynyń negizgi baǵyttaryna toqtalyp, qoǵam arasynda júrgizilip jatqan túsindirý jumystarynyń mańyzyn baıandady.
Jıynda Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi, partııa ortalyq apparaty basshysynyń orynbasary Aıgerim Sarsenbaeva da Konstıtýsııalyq ózgeristerdiń áleýmettik saıasat pen otbasy ınstıtýtyn nyǵaıtýdaǵy róline keńinen toqtaldy.
Jańa Konstıtýsııadaǵy otbasy jáne neke normalary sarapshylar talqysyna tústi
Kún tártibine sáıkes Sadyq Mustafa «Adal azamat» tujyrymdamasynyń partııalyq ıdeologııadaǵy orny men onyń qoǵamdyq sanany jańǵyrtýdaǵy mańyzyn atap ótti.
Syrdarııa aýdandyq fılıal tóraǵasy Janarbek Nurymbetov «Taza Qazaqstan» respýblıkalyq ekologııalyq aksııasy aıasyndaǵy óńirlik jumystar týraly baıandasa, Shıeli aýdandyq fılıal tóraǵasy, aýdandyq máslıhat depýtaty Qanat Júsipov «Zań men tártip» ıdeologııasynyń qoǵamdaǵy turaqtylyqty qamtamasyz etýdegi róline toqtaldy.
«Aýyl» partııasynyń jastary Konstıtýsııalyq reformany qoldaıdy
Keńeıtilgen otyrys barysynda qatysýshylar ózara pikir almasyp, usynystaryn ortaǵa saldy. Suraq-jaýap bóliminde Konstıtýsııalyq reformalardy halyq arasynda tıimdi túsindirý joldary talqylandy.
Atalǵan basqosý partııaishilik jumys sheńberin kúsheıtip qana qoımaı, el damýyna baǵyttalǵan mańyzdy saıası reformalar boıynsha ortaq ustanym qalyptastyrýǵa arnalǵan dıalog alańy boldy.
Kezdesý qorytyndysy boıynsha qatysýshylar jańa Konstıtýsııa jobasyn qoldap, ony qoǵam arasynda keńinen túsindirý jumystaryn kúsheıtý qajet ekenin atap ótti.
Astanada jańa Konstıtýsııa jobasyn talqylaýǵa arnalǵan kezdesý ótti
