Qazaqstannyń Investısııalar jáne damý mınıstri Jeńis Qasymbek QR Parlamenti Senatynyń otyrysynda avıasııalyq tarıfterdi tómendetýge baǵyttalǵan sharalar týraly aıtyp berdi, dep xabarlaıdy QazAqparat.
Mınıstrdiń sózinshe, Qazaqstannyń avıasııalyq naryq úsh jyl buryn yryqtandyrýdan ótken.
"Mysaly, elimizdiń eki áýejaıy arasynda qatynaıtyn tasymaldaýshylardyń sanyna shek qoıylmaıdy. Qazir eki baǵytta tórt tasymaldaýshydan bar - Almaty-Shymkent pen Almaty-Astana. Almaty-Astana marshrýty boıynsha aptasyna bir kúnderi 17 ushyrýǵa deıin oryn alady", - dedi ol.
Mınıstrdiń málimetterine sáıkes, Bek Eır, Qazaq Air pen Scat áýekompanııalarynda eki apta buryn satyp alynǵan bıletter quny 11 myńnan bastalady. "Eır Astanada" bıletteriniń eń tómengi baǵasy 15-16 myń teńgeni quraıdy.
"Eger Almaty-Astana baǵytynda sol kúni bılet satyp alatyn bolsańyz, bılet quny 40 myń teńgeden asady. Sondyqtan biz básekelestikti qyzdyrýǵa nıettimiz", - dep atap ótti mınıstr.
Halyqaralyq reısterge toqtalǵan J. Qasymbek, sheteldik áýe kompanııalarymen qol jetkizilgen kelisimder týraly aıtyp berdi.
Onyń aıtýynsha, vengrııalyq loýkoster WizzAir 8 maýsymnan bastap, kazaqstandyqtardy Eýropaǵa 40 eýro jáne odan joǵary baǵamen tasymaldaýǵa daıyn.
"Bizdiń boljamymyzsha, bılet quny ortasha eseppen 100 eýro jáne odan joǵary bolýy yqtımal. Degenmen bir-eki aı buryn satyp alynatyn bolsa, 40 eýroǵa da shyǵýy múmkin. Biz bıyl Helsınkı jáne Varshavaǵa reıster ashamyz. Jalpy EKSPO boıynsha jumystardyń aıasynda bıyl Open Sky prınsıpteri negizinde kez kelgen sheteldik qaladan Astanaǵa kúnine 7 reıske deıin jasaýǵa múmkindik berildi. Qazir suranys túsip jatyr. Bizdińshe, bul qosymsha báskelestik alyp keledi, al ol óz kezeginde bılet baǵasynyń tómendeýine yqpal jasaıdy", - dep atap ótti ol.
