BQO jolaýshylar kóligi jáne avtomobıl joldary basqarmasy basshysynyń orynbasary Qazbek Meńeevtiń aıtýynsha, atalmysh júrdek poıyz Astanaǵa 24, Almatyǵa 37 saǵatta jetpek, dep habarlaıdy Qazaqparat.
«Poıyzdyń kestesi men bılet quny ázirge belgisiz. «Tulpar-Talgo» júrdek poıyz bolǵandyqtan, aıaldaıtyn stansa sany da qysqarady. Oblysta ol tek Aqsaı qalasyna (Qazaqstan stansasyna) ǵana toqtaıdy», dedi Q.Meńeev.
Aıta keteıik, 2016 jylǵy qazanda Astanada ótken Qazaqstan men Reseı óńiraralyq yntymaqtastyǵy HIII forýmyna qatysqan eki el prezıdentteri Eýrazııa keńistiginiń kólik-logıstıkalyq áleýetin damytýǵa arnalǵan birqatar mańyzdy qujattarǵa qol qoıǵan bolatyn. Soǵan sáıkes qos el Úkimetteri arasyndaǵy kásiporyndardyń, mekemelerdiń jáne temirjol salasynyń qyzmetin quqyqtyq retteýdiń erekshelikteri týraly (1996 jylǵy 18 qazandaǵy) kelisimge tolyqtyrýlar engizý týraly hattama jasaldy.
Osynyń negizinde «Qazaqstan temir joly» kompanııasy Astana men Almatydan Oralǵa Reseımen shekarada tekserý júrgizilmeıtin «Tulpar-Talgo» poıyzyn shyǵarý jóninde sheshim qabyldaǵan edi.
