Qazaqstan halqy Assambleıasy oblystyq fılıaly tóraǵasynyń orynbasary Seısenbaı Jetpisbaevtyń aıtýyn-
sha, ártúrli ult ókilderinen quralǵan jastarymyzdyń belsendiligi birinshi kezekte Elbasynyń barsha qazaqstandyqtardy ultaralyq jáne konfessııaaralyq kelisimdi odan ári nyǵaıtýǵa shaqyrǵan maqsat-múddesin odan ári nyǵaıtýǵa baǵyttalýda. Ekinshiden, jergilikti Assambleıanyń jas qanatyn qalyptastyrýshy jáne shyǵarmashylyq ujymdarda án salyp, bı bıleıtin ónerli ári basqa da qoǵamdyq jumystarǵa qatysatyn bul jastar bolashaqta bizdiń jolymyzdy jalǵastyrýshy býynymyz.
Aıtsa aıtqandaı, 1 naýryz – Alǵys aıtý kúnine oraı ótken merekege arnalǵan konsertte ózge ult ókilderiniń jastary sahnany keremet shýaqty án men kúıge bólep, jınalǵan jurtshylyqty súısindirdi. Olar «Anagenısı» horeografııalyq ujymy, «Mıras», «Iаlkyn», «Vır», «Razdole», «Jaýranochek», «Lazarkı», «Kalynovonamysto», «Deımokh», «Naırı», «OdlarIýrdý», «Mıngı taý», «Anen», «Sespel», «Evrıshım», «Nastarın», «Teıbelah», «Avıv» jáne «Anahný», «Narsız» jáne «Syreny», «Kardesapomýsıkı», «Samrýk» sııaqty orys, ýkraın, belorýs, tatar-bashqurt, evreı, cheshen, balqar, koreı taǵy basqa etnostardyń án-bı ansamblderiniń ónerli jastary boldy.
Bul kúnderi Dostyq úıinde oblystyq 23 etnomádenı birlestik, Jastar birlestigi, Ulttyq jańǵyrý mektebi, 42 shyǵarmashylyq ujym jumys isteıdi. S.Toraıǵyrov atyndaǵy memlekettik ýnıversıtet janynan Assambleıa kafedrasy ashyldy. Oqý ornynda etnomádenı birlestikter jetekshileriniń, músheleriniń qatysýymen Assambleıanyń qurylýy, dostyq, birlik, qazaqstandyq patrıotızm, qazaq tilinde sóıleý, úırený, táýelsizdik jyldary qalyptasqan qazaqstandyq minez uǵymdary jaıly arnaıy dáris sabaqtary ótkiziledi. Maqsat – otanshyl, elsúıgish, qazaq tilin ana tilim dep biletin, elim, jerim dep júrgen ózge ult ókilderiniń basyn qosý.
Byltyr «Birlik-Edınstvo.KZ.» shekaralas yntymaqtastyq jastar forýmy ótti. Oǵan Reseı, Armenııa, Belarýs, Qyrǵyzstan, Ońtústik Koreıa, Tájikstan, Germanııa jáne Polsha jastary qatysty. Sondaı-aq, «Ertis – dostyq ózeni» shekaralas yntymaqtastyqtyń halyqaralyq festıvalin ótkizý dástúrge aınaldy. Qazir Dostyq úıinde folklorlyq, dramalyq, horeografııalyq ujymdar qyzmet jasaýda. Mysaly, «Dostyq» ansambli, bıshiler toby, bondýrashylar ansambli, vokaldyq top, «Birlik» mektep hory, «Araı», «Ýchtaýlar» bı toptary, dekoratıvti-qoldanbaly óner stýdııasy jumys isteıdi.
– Biz turatyn úı óte kóńildi. Bul birlik pen dostyqtyń shańyraǵy, – deıdi jastar.
Ulttyq jańǵyrý mektebinde 14 ulttyq ortalyqtyń bólimshesi, 2 mádenıettaný ortalyǵy bar. Sabaqtar ótkizý úshin 14 oqý kabıneti, 2 mýltımedıalyq kabınet, 1 mýzykalyq stýdııa jabdyqtalǵan. Jyl saıyn mektepke 500-den astam oqýshy barady.
Iá, munda kún saıyn osyndaı saýyq-saıran. Dostyq úıindegi jastar etnobirlestikter úlkenderimen birge Naýryz meıramyn kóńildegideı qarsy alyp ótkizse, endi 1 mamyr – Qazaqstan halqynyń birligi kúni merekesine qyzý da-
ıyndalýda. Tańerteńnen keshke deıin klýbtarda sabaqtar ótedi, 18 vokaldyq-hor jáne 16 horeografııalyq ujym repetısııa jasaıdy, olarda ártúrli jastaǵy adamdar bar.
Farıda BYQAI,
«Egemen Qazaqstan»
Sýretti túsirgen
Maqsat AITBAI
Pavlodar
